محمد رمضان لاعب الزمالك السابق: مدرب طلب مني فلوس وهدايا علشان ألعب
في حديث صادم يكشف كواليس خفية داخل جدران القلعة البيضاء، فجّر محمد رمضان، لاعب الزمالك السابق، مفاجأة من العيار الثقيل خلال ظهوره في بودكاست “مان تو مان” الذي يقدمه الصحفي إسلام عبد الجليل، متحدثًا بصراحة غير مسبوقة عن السبب الحقيقي وراء ابتعاده عن المشاركة مع الفريق في فترته داخل النادي.
وقال رمضان في حديثه:«أحد المدربين في نادي الزمالك جه قالي: انت مش شايف مصلحتك معايا، وطلب مني هدايا أو فلوس علشان ألعب».
وأضاف مؤكدًا رفضه القاطع: «طبعًا ماقبلتش، أنا بلعب بمجهودي، واللي محتاجني هيلعبني من غير ما أدي حد حاجة».
وأوضح اللاعب أن الأمر لم يكن حالة فردية، قائلًا: «في لعيبة كتيرعارفة الكلام ده، وفي ناس استجابت ودفعت وقعدت سنتين وتلاتة في النادي علشان كانوا بيجيبوا هدايا للمدرب».
واختتم رمضان تصريحاته مشيرًا إلى أن المدرب الذي يقصده لم يعد له أي منصب داخل الزمالك في الوقت الحالي، لكنه كان متواجدًا وقت وجوده داخل النادي.
