دخل عليا أوضة النوم.. يسرا تعلق على جدل تصريحاتها عن يوسف شاهين

علقت النجمة يسرا على الجدل الذى أثير بشأن تصريحاتها حول المخرج الكبير يوسف شاهين، مؤكدة أنها لا تُعير الاهتمام لما يتم تداوله حول هذا الموضوع.

وقالت يسرا، خلال لقائها مع ET بالعربي:
«موضوع يوسف شاهين هما قاصدين يعملوا كده. أنا ما بحسبش الكلام الفارغ اللي بيقولوه ده. يهتموا بيا عشان بيحبوني شيء، ويهتموا عشان يشوّهوني شيء تاني. ده ما بيفرقش معايا، لأن معروف هما عاوزين إيه».

أثارت الفنانة يسرا، الجدل خلال الساعات الماضية، بعد حديثها عن المخرج الراحل يوسف شاهين، خلال ندوة خاصة أقامها مهرجان الجونة السينمائي في دورته الثامنة بمناسبة الاحتفاء بمرور مئة عام على ميلاده.

وقالت يسرا، خلال الندوة،: «كنت ساكنة وقتها عند خالتي، وفجأة لقيت يوسف شاهين بيخبط ويدخل عليا أوضة النوم، خالتي اتفزعت وبتقولي مين ده وإزاي يدخل كده؟ قولتلها ده الأستاذ، يعمل اللي هو عايزه»، ليقول المنتج جابي خوري: وهل عمل اللي هو عايزه؟»، لترد يسرا بعفوية شديدة: «طبعا 100 % عمل كل اللي هو عايزه».

وانتشر الفيديو بشكل واسع على مواقع التواصل الاجتماعي، الذي قُوبل بانتقادات واسعة من الجمهور بعد هذا التصريح العفوي، حيث جاءت التعليقات كالتالي: «يعنى ده مش خدش حياء وتعدى على قيم الأسر المصرية والمجتمع !!»، بينما تحدث البعض عن أنها مجرد دعابة.