محمد صبحي: أنا جوايا رقابة أقوى وأدق من الدولة نفسها
أجاب الفنان القدير محمد صبحي على سؤال الإعلامية لميس الحديدي: هل مسرحك مسرح مباشر؟ والبعض يرى أن هذه النوعية من المسارح انتهى زمنها، وأعني المسرح الذي يتحدث عن القيم والمبادئ والوطن؟
التيك توك
فقال: الناس اتغيرت شوية، وبعض الناس باظوا شوية بسبب التيك توك وغيره. مثلاً: لما أعمل مسلسل عن التربية وكيف تنضبط أخلاق الأسرة، هل المفروض أعمل رموز علشان أبقى عبقري؟ لا، لازم أكون مباشر.
وتابع خلال لقائه ببرنامج "الصورة" الذي تقدمه الإعلامية لميس الحديدي على شاشة النهار: المباشرة تكون بحسب الرسالة. لما عملت ماما أمريكا مكنتش مباشرة إلا في آخر جزء منها، عندما وجهت رسالة لأكبر دولة في العالم تحط من قدر الإنسان، كان لازم أبقى مباشر. ما فيش ممثل قال أسماء مائة وثلاث وتسعين دولة في العالم في رسالة مدتها دقيقة ونصف إلا محمد صبحي.
رسالة مسرح محمد صبحي
وسألته الحديدي: هل لازم مسرح محمد صبحي يبقى فيه رسالة؟ البعض يقول إن المسرح للتسلية؟ فيرد قائلاً: أه، حتى الضحك في حد ذاته رسالة. مثلاً الفنان العظيم سمير غانم كان بيطلع يقول: أنا مش بتاع رسائل، أنا بطلع المسرح أضحك الناس. وكنت بحبه علشان كده، وهذا في حد ذاته رسالة، وكان بيقول لي: أنت أستاذ في الرسائل، لكن أنا كسمير غانم مش بتاع رسائل، أنا بضحك.
وأردف محمد صبحي: رسائل المسرح أو الدراما أو أي هعمل أقدمه ليست مدرسة، لكنها منهج بالنسبة لي، وأول جملة وأنا بكتب عمل في الورقة أقول: بسم الله الرحمن الرحيم، أنا عاوز أقول إيه؟
الرقابة بداخل صبحي
واصل محمد صبحي: أنا بقدم رسائل بس ممكن أجلها إن كان ذلك ضد مصلحة ببلدي في بعض المواقف، لأني بداخلي رقابة شخصية ألعلن وأقوى من رقابة الدولة وضرب مثلاً قائلاً: “أنا سافرت عملت 12 حفلة في ليبيا، و22 حفلة في العراق، و8 حفلات في قطر ولم أقلده خارج مصر، قولتله أنا أقلده في بلدي واتسجن، لكن بره بلدي أخجل إن الناس يعتقدوا أني مصدقت أخرج بره بلدي عشان أقلده”.
مضيفا محمد صبحي: "جالي تليفون من مبارك وقتها وقالي وهو بيضحك، فيه إيه يا محمد، ما تقلدني في البلاد اللي انت بتروحها، هو انت عاوز تتشهر لوحدك ولا إيه، ما تشهرني معاك".
