«اللي بيطلبه جوزي عيب وحرام».. نوسة أمام محكمة الأسرة: «خايفة يجيلي مرض»
وقفت نوسة أمام محكمة الأسرة في مصر الجديدة طالبة الخلع من زوجها معللة السبب بأنه يمارس معها العلاقة المحرمة فقط، خوفا من الإنجاب حيث يقوم دوما بممارسة العلاقة الغير سوية معها وهو ما جعلها تحاول أن تغيير ذلك مرارا وتكرارا وبالنهاية لجأت لـ محكمة الأسرة لتنفصل عنه.
نوسة تطلب الخلع أمام محكمة الأسرة
سردت الفتاة العشرينية نوسة قصتها أمام محكمة الأسرة مرددة «خلصوني منه، قرفت من نفسي وحياتي مبقتش طبيعية وخايفة يجيلي مرض أو يحصلي حاجة، أنا مش زي أي بنت بقالي سنة ونص متجوزة وحياتي مش سوية وكلها قرف».
وقالت نوسة أمام محكمة الأسرة عن قصتها «عندي 27 سنة وكنت عايشة مع والدتي بعد ما والدي انفصل عنها من سنين، وعشان الكلام عليا أسرتي كانت كل شوية جيب لي عريس وأنا كنت برفض لكن في النهاية وافقت على جوزي».
قصة نوسة أمام محكمة الأسرة
تابعت نوسة قائلة «قعدت معاه واتكلمت معاه وكان أسلوبه عاجبني ووافقت عليه وأتخطبت له فترة سنة وجهزت شقتي وبعدها حددنا ميعاد الفرح وفعلا أتجوزته وفي ليلة الدخلة كانت العلاقة كلها غير طبيعية وأنا كنت فاكرة أن الأمور عادي ودي حاجات عادية».
واستكملت نوسة عن قصتها «بعد أسبوع بدأ يطلب مني العلاقة الحرام وممارسات غير طبيعية ولما كنت بسأله بيقولي أنتي مراتي وده عادي وكنت بوافق بس مكنتش بسمع من أصحابي أو قرايبي أنهم بيعملوا كدة وأن ده طبيعي وواحدة صاحبتي قالت لي حاولي تروحي لـ دكتورة وشوفي حل».
قضية خلع أمام محكمة الأسرة
أضافت نوسة عن قصتها أمام محكمة الأسرة «الطبيعي في حياتي بقى العلاقة دي ومبقتش العلاقة الطبيعية موجودة ولما كنت بسأله كان بيتهرب وبعدها قالي عشان منخلفش ونجيب عيال يبهدلوا حياتنا خلينا نفرح الأول وننبسط بالحياة وبعدها نشوف موضوع الإنجاب ده».
واصلت نوسة قصتها قائلة «في النهاية مبقاش عندي أي حلول وكلمت كل الناس عشان يكون في حل بس مكنش في إيدي أي حاجة وطلبت منه الانفصال في هدوء لكنه رفض وقالي معنديش طلاق وأنتي عجباني، وجيت محكمة الأسرة عشان أطلب الخلع».