رانيا فريد شوقي : «إسكندرية ليها مكانة خاصة في قلبي.. والمعمورة جزء من ذكرياتي مع بابا»

تحدثت الفنانة رانيا فريد شوقي عن حبها الكبير لمحافظة الإسكندرية، وكشفت عن ذكريات عائلية تربطها بالمدينة منذ طفولتها وحتى اليوم، مؤكدة أن الجمهور الإسكندراني يحتفظ بذكريات جميلة معها ومع والدها الفنان الراحل فريد شوقي.

وأوضحت رانيا فريد شوقي، في لقاء خاص مع الإعلامية شيرين سليمان ببرنامج سبوت لايت المذاع على قناة صدى البلد، قائلة: "الجمهور في إسكندرية متابع جدًا، فاكرين كل أعمالي تقريبًا، لكن أكتر الحاجات اللي بيكلموني عنها هي الأعمال اللي كنت فيها بنت البلد الإسكندرانية، زي مسلسل (الصقر شاهين) اللي كنت بتكلم فيه باللهجة الإسكندراني، وكمان فيلم (قطة في سوق السمك) اللي صورناه كله في المينا عند الصيادين".

حب الجمهور

وأضافت رانيا فريد شوقي، قائلة: "استقبال الناس كان رائع، وحبهم الكبير لفريد شوقي خلاني أحس إنهم شايليني فوق راسهم. محبتهم لوالدي ما زالت عايشة وأنا عمري ما أنسى.. فريد شوقي كان بيحب إسكندرية جدًا، وإحنا عندنا شاليه في المعمورة لحد النهارده، كنا بنقضي فيه كل الصيف بعد ما المدارس تخلص".

وعن زياراتها المتكررة للمعمورة، كشفت رانيا فريد شوقي، قائلة: "أنا هنا عشان المهرجان، فهقعد كذا يوم وعندي فرصة أروح المعمورة.. مش دايمًا بقدر أروح لما بنزل إسكندرية، بس المرة دي لازم أروح، دي بالنسبالي مش مجرد منطقة، دي ذكريات عمر".

الفنان الراحل فريد شوقي والإسكندرية

كما تحدثت الفنانة رانيا فريد شوقي عن ارتباط والدها الفنان الراحل فريد شوقي بمدينة الإسكندرية، مؤكدة أنه كان يعشقها بشدة، وأنها هي الأخرى عاشت تجارب فنية مميزة هناك.

وقالت رانيا فريد شوقي: "لما عملت مسلسل الصقر شاهين كنت باتكلم باللهجة الإسكندراني، وكمان في مسلسل قطة في سوق السمك جسدت شخصية إسكندرانية وصورنا كله في الميناء وسط الصيادين، وقد إيه استقبال الناس كان جميل".

وأضافت: "حب الناس لفريد شوقي هناك خلاني أحس بفخر كبير، كانوا شايليني فوق راسهم، ودي حاجات مستحيل أنساها، والكل عارف قد إيه بابا كان بيحب إسكندرية".