باسم يوسف يرد ساخرا على شائعة أجره: 22 مليون جنيه؟ لأ يا جماعة.. ده دولار!

كشف الإعلامي باسم يوسف، عن تفاصيل تعاقده مع قناة أون، خلال برنامج كلمه أخيرة مع الاعلامي أحمد سالم.

باسم يوسف يرد على شائعات حصوله على 22 مليون أجر 

وكتب باسم يوسف، عبر صفحته على موقع التواصل الاجتماعي «فيسبوك»، قال:«طيب يا جماعة عشان الكلام كتير والإشاعات كتير أنا زي ما شوفتوني أول مرة في أوضة الغسيل من مصر حتشوفوني تاني على شاشات التلفزيون المصري من أوضة الغسيل من لوس أنجلوس».

وتابع:« حكون ضيف أحمد سالم في برنامج كلمة أخيرة عبر الأقمار الصناعية أو راوتر الإنترنت في حوار حصري يوم ٧ أكتوبر حنتكلم عن رحلتي الكام سنة اللي فاتت وحنقول شوية حكايات لطيفة عن ماوراء الكواليس في كل الأخبار و اللقاءات اللي طلعت فيها أسرار تنشر لاول مرة (او لتاني مرة عادي) ، اكشن ،دراما، مقاطع بلوتوث ساخنة».

وسخر باسم يوسف، عن موضوع الأجر قال :« أما موضوع إني واخد ٢٢ مليون جنيه ده فبصراحة ده خبر عجيب جدا. يا ريت نتحرى الدقة. أنا واخد ٢٢ مليون دولار عيب كده».