"مش هينفع نرجع".. طليقة أحمد مكي تكشف أسرار زواجهما وانفصالهما

أثارت خبيرة التجميل مي كمال الدين، طليقة النجم أحمد مكي، الجدل بعد كشفها تفاصيل عن زواجهما وانفصالهما، مؤكدة أن العلاقة بينهما كانت قائمة على الود والاحترام، وأنها لم ترَ منه سوى كل خير.

طليقة أحمد مكي تكشف أسرار زواجهما وانفصالهما

وقالت مي في تصريحات تلفزيونية: "أنا كنت بهتم بأحمد أكتر من نفسي، وحبيت أوضح الأمور بعدما الموضوع خرج عن السيطرة. اللي بينا ماكنش سر، لكنه كان خصوصية. أحمد كان أغلى من الياقوت في حياتي، ورغم إننا انفصلنا هيفضل أغلى حاجة حصلت ليا."

وأشارت إلى أن زواجهما استمر ثلاث سنوات فقط، مؤكدة أن الانفصال لم يكن بسبب الفن أو العمل الفني، بل نتيجة ظروف محيطة وضغوط اجتماعية، زادت بعد وفاة والدته.

وأضافت: "ناس كتير مكانوش عارفين إني مراته، ولما كنت بدعمه على السوشيال ميديا كانوا بيهاجموني وبيشتموني ويدخلوا في تفاصيل حياتي."

وأكدت مي أنها ترفض أي إساءة بحق أحمد مكي، قائلة: "حتى لو سمعت حاجة عنه لازم أرد. هو تعب جدًا في حياته، وطيب جدًا. عارفة إنه ممكن يزعل من اللي كتبته، وأنا بعتذرله، لكن كنت مضطرة أوضح عشان الموضوع يخصنا إحنا الاتنين."

واختتمت حديثها برسالة مباشرة: "إحنا لا بقينا أصحاب ولا كملنا حبايب، لكن بتمنى أشوفه دايمًا في أفضل حال حتى لو مش معايا. واللي مؤكد إن مفيش رجوع."