"إنسانة طيبة".. أحمد سعد يمدح روبي بعد ديو "تاني"
عبّر الفنان أحمد سعد عن إعجابه الكبير بالفنانة روبي بعد تعاونهما في أغنيته الجديدة "تاني"، والتي جاءت ضمن ألبومه الأخير "بيستهبل"، مؤكدًا أنها تملك شخصية مختلفة تمامًا عن الصورة النمطية التي يراها البعض.
أحمد سعد يمدح روبي بعد ديو “تاني”
وقال سعد خلال مقابلة تلفزيونية: "روبي شخصية رائعة.. الناس لازم تعرف إنها إنسانة طيبة وبتعيش في سلام نفسي، مش بتركز في الشكل أو الإثارة، وده بيخلي الشغل معاها ممتع جدًا، أنا بحبها على المستوى الإنساني والمهني".
وتُعد أغنية "تاني" التعاون الثاني بين أحمد سعد وروبي بعد نجاحهما اللافت في أغنية "يا ليالي"، وحققت الأغنية الجديدة تفاعلًا كبيرًا فور طرحها على منصات الموسيقى والسوشيال ميديا.
أغنية "تاني" لـ أحمد سعد وروبي، من كلمات فلبينو وتوزيع أحمد طارق يحيى ومكس هاني محروس ومن إخراج أحمد عبد الواحد، وتعد الأغنية هي الرابعة ضمن أغنيات ألبوم "بيستهبل" لأحمد سعد والذي توزعه شركة ڤيرال ويف.
كلمات أغنية تاني
يا نهار أبيض هي تاني
مش كنا خلصنا ليه جاية تاني؟
طبعا هاتقولي جيالي صدفة
هو انتي فاكراني ياباني
يانهار أبيض هو تاني
جاي يرقص قلبي تاني
خلصت منه أنا في الحقيقه
قام راح طالعلي فالأغاني
تاني انتي تاني
طلعالي دايما هنا وهناك
تاني إنت تاني
غلبت قلبي يا واد بهواك
تاني أنت تاني
لسه الجلالة طبعا وخداك
تاني أيوه تاني
إديني جيت ورقصت معاك.. تاني تاني
كنت فاكرِك فترة عادي
وهتيجي متأخر حياتي
طلعتي مظبوطة بالدقيقة
وكأن بابا كان ساعاتي
كنت فاكرة قلبي هادي
لحد لما جيت قصادي
فضل يدق يا ابن اللذينة
كأن بكرة عيد ميلادي
