زيزو يوجه رسالة مؤثرة ضد التنمر: "الشتيمة مش هتغير حياتكم.. فكروا شوية"
عبر أحمد سيد "زيزو"، نجم النادي الأهلي ولاعب الزمالك السابق، عن استيائه من تزايد حالات التنمر والتجريح على مواقع التواصل الاجتماعي، موجهًا كلمات قوية عبر حسابه الرسمي على "إنستجرام"، دعا فيها إلى التفكير بعمق قبل التورط في إيذاء الآخرين بالكلام.
وقال زيزو لاعب الأهلي في منشوره: " السؤال الوحيد اللي مش عايز يطلع من دماغي ونفسي ألاقي له إجابة! هو بجد لما حد يخوض في عرض الناس ويشتم ويسب ويتنمر، ده بيعود عليه بإيه؟".
وأضاف:" هل بيرجع يلاقي بيته اتغير؟ هل بيلاقي العربية اللي نفسه يركبها؟ هل أولاده وصلوا للمكانة اللي بيحلم بيها؟ هل أبوه وأمه عايشين في اللي يستحقوه؟ مش قادر أستوعب بجد، يعني الشخص اللي بتتنمر عليه ده، هل بقى أقل منك؟ مش شغال نفس الشغلانة؟ مش عايش في بيت زيك؟ مش بيحاول يجيب عربية زيك؟ حياتكم اتغيرت بعد ما شتمتوه؟ الإجابة: لا".
وتابع: " كل اللي بتعمله إنك بتزود من ذنوبك، ويمكن ربنا ما يوفقكش إنك تمسحها، وفوق كده مفيش حاجة بتتغير على أرض الواقع، فكر كويس، مفيش حاجة مستاهلة، ورزقك مكتوب، لكن أنت اللي بتختار الطريق اللي بيوصلك ليه. خليك دايمًا على الطريق الصح وافتكر إنها مش دايمة لحد.. صباحكم جميل".
وجاءت رسالة زيزو في توقيت حساس، حيث تصاعدت موجات الانتقادات والتجاوزات على منصات التواصل تجاه عدد من الرياضيين والمشاهير.
التفاصيل الكاملة لمطالبة زيزو بـ82.5 مليون جنيه من الزمالك
قدّم "زيزو" شكوى رسمية إلى الاتحاد المصري لكرة القدم، يطالب فيها بالحصول على مستحقاته المتأخرة من نادي الزمالك، بعد انتقاله إلى صفوف القلعة الحمراء بنظام الانتقال الحر عقب انتهاء عقده.
وفقًا للشكوى المقدمة من محاميه إلى لجنة شؤون اللاعبين باتحاد الكرة، تبلغ قيمة المستحقات 82 مليوناً و500 ألف جنيه، موزعة على البنود التالية:
1. 3 ملايين و333 ألف جنيه: مستحقات عن مشاركته في 15 مباراة فعلية خلال موسم 2024–2025.
2. 15 مليون جنيه: مستحقات عن موسم 2022–2023.
3. 20 مليون جنيه: مكافأة مستحقة عن موسم 2023–2024.
4. 20 مليون جنيه: مكافأة مستحقة عن موسم 2024–2025.
5. 23 مليون و969 ألف و230 جنيه: قيمة الأقساط الشهرية المتأخرة عن الموسم، تشمل رواتب متكررة.
6. 200 ألف جنيه: بدل السكن المتأخر.
وحدد الاتحاد المصري لكرة القدم يوم 14 يوليو الجاري موعدًا لعقد جلسة استماع رسمية للنظر في الشكوى ومناقشة الأطراف المعنية: الزمالك من جهة، وزيزو ممثلاً بمحاميه من جهة أخرى.
