رضوى الشربيني تدعم شيرين عبد الوهاب: "إنتي أقوى من أي موقف"
دعمت الإعلامية رضوى الشربيني الفنانة شيرين عبد الوهاب، حيث وجهت رسالة لها بعد تعرضها لانتقادات عقب حفلها في مهرجان موازين بالمغرب.
وقالت رضوى الشربيني عبر تقديم برنامجها "هي وبس": “الناس مش زعلانة منك.. الناس زعلانين عليكي، على كل الأغاني اللي كانت سند لبنات كتير، وأنا واحدة منهم”.
رضوى الشربيني لـ شيرين عبد الوهاب:
وأضافت: “انتي أقوى من أي موقف، حتى لو كان صعب، وعندك رصيد من الأغاني عمره ما كان مجرد فن، ده كان طوق نجاة لناس كتير”.
وتابعت: “بلاش تسمعي للناس اللي بيشدّوكي لتحت، اسمعي اللي بيحاولوا يطلعوكي من اللي انتي فيه، انتي شيرين، النجمة اللي كانت كل بنوتة بتتفرج عليها”.
ومن ناحية أخرى، دعم الفنان هاني عادل النجمة شيرين عبد الوهاب، وذلك بعد تعرضها للانتقادات بسبب حفلها في ختام مهرجان موازين في المغرب.
هاني عادل يدافع فيه عن شيرين عبد الوهاب
ونشر هاني عادل عبر حسابه على فيسبوك منشورًا يدافع فيه عن شيرين عبد الوهاب، قائلًا: «علشان بس تخلص الموضوع ونبان برضه إننا ناس فاهمين في المزيكا بشكل حقيقي أو اللي حابب يعني يبين انه فاهم ومذاكر وكده، هعملكم فيديو عن الفرق بين play back، وbacking tracks، بس الناهيه يعني أنا دخلت شوفت حاجات من الحفله قبل ما اكتب شيرين كانت بتغني بشكل حقيقي مكانش صوتها متسجل والدليل على كده أنها لما كانت بتغلط كانت بتوقف المزيكا لان في backing tracks الاغنيه هتبدأ لازم العازفين والمطرب يبقوا حافظين الدخول والموسيقيين حافظين كل المفاتيح بالمللي لان الغلطه مفيهاش رجوع».
شيرين عبد الوهاب
أضاف: «يعني الفرقة لما تكون بتلعبب لوحدها ممكن يلحقوا الغلطات ممكن يعيدوا ويزيدوا في الاغنيه لكن مع ال backing tracks الفرقه بتلعب والمغني بيغني بشكل حقيقي وبيكونوا سامعين في ودنهم العد وال tempo وبعض الارشادات في الأماكن اللي ،ممكن يكون معاهم ايقاعات الكترونيه زياده صوت بعض الكورال وكلها حاجات علشان تحسن الكواليتي على المسرح وتخليه بنفس الكواليتي زي الالبوم».
شيرين عبد الوهاب
تابع: «ومصر كلها بتعمل ده، ايوه مصر كلها، والعالم؟ اه معظمه ما عدا بعض أنواع الموسيقي والاشكال اللي مش بتحتاج ده بس معظم ال pop science بيعمل كده، أي مغني هتبقي غلطته الوحيده أنه مذاكرش كفايه مع فرقته واستسهل ساعتها هتحصل مصايب على المسرح، وبتمني انه اللي بيتكلم عن الموضوع يكون مذاكر هيقول ايه علشان ميظلمش حد وميظلمش نفسه».