من غير ما تعرف حد الباسورد.. أسهل طريقة لمشاركة كلمة سر الواي فاي
في زمن أصبحت فيه الهواتف الذكية جزءا أساسيا من حياتنا اليومية، لم يعد من المنطقي أن تبقى مشاركة كلمة سر شبكة الواي فاي عملية معقدة أو مزعجة، سواء كنت تقوم بإعداد جهاز جديد أو تساعد أحد أصدقائك على الاتصال بشبكتك المنزلية، توفر أنظمة iOS وأندرويد حلولا ذكية وآمنة لمشاركة الوصول إلى الإنترنت دون الحاجة إلى كتابة كلمات سر طويلة وصعبة الحفظ.
ورغم إمكانية عرض كلمة المرور من إعدادات الجهاز ومشاركتها يدويا، إلا أن الطرق الحديثة التي تدعمها الهواتف الحالية أصبحت أكثر سهولة وأمانا، وتوفر تجربة سلسة تحافظ على خصوصيتك دون الحاجة إلى الإفصاح عن كلمة السر الفعلية.
مشاركة كلمة سر الواي فاي على الموبايلات الجديدة
في هذا التقرير، نستعرض أبرز الطرق التي تتيح لك مشاركة الواي فاي بكفاءة، سواء بين أجهزة آبل، أو بين هواتف أندرويد، أو حتى عبر الأنظمة المختلفة.
أولا: مشاركة باسورد الواي فاي من آيفون لـ آيفون أو أجهزة آبل
آبل وفرت ميزة من iOS 11 بتخلي مشاركة الباسورد بين أجهزة آبل أسهل ما يكون، سواء كانت آيفون أو آيباد أو Mac، قبل ما تبدأ:
- اتأكد إن الجهازين محدثين لآخر إصدار.
- شغل الواي فاي والبلوتوث على الاتنين.
- اقفل الـ Personal Hotspot.
- لازم يكون إيميل Apple ID للشخص اللي هتشاركه الباسورد مسجل عندك في جهات الاتصال.
خطوات المشاركة
1. افتح الموبايلين.
2. خليك قريب من الجهاز التاني.
3. على جهاز الضيف، روح لـ الإعدادات > Wi-Fi> ثم اختر نفس الشبكة.
4. هيظهر على موبايلك إشعار بيطلب منك مشاركة الباسورد.
5. اضغط على Share Password، وبعدين تم.
6. الجهاز التاني هيتصل بالشبكة تلقائي من غير ما يكتب أي حاجة.
ثانيا: مشاركة الباسورد من آيفون لموبايل أندرويد:
أجهزة آبل مش بتدعم المشاركة المباشرة مع أندرويد، لكن في حيلة بسيطة وهي رمز QR.
الطريقة الأولى: باستخدام تطبيق الاختصارات Shortcuts في iOS 17 أو أحدث،
1. افتح تطبيق Shortcuts.
2. اضغط على علامة + لعمل اختصار جديد.
3. ضيف إجراء Text واكتب الباسورد بالشكل ده: (css - Copy - Edit)، ثم WIFI:S:اسم_الشبكة T:WPA P:كلمة_السر
4. ضيف إجراء Generate QR Code.
5. أخيرا ضيف Quick Look علشان يعرضلك الكود.
6. شغل الاختصار وخلي الشخص يفتح الكاميرا ويمسح الكود.
الطريقة الثانية: باستخدام موقع خارجي زي qifi.org:
1. افتح الموقع.
2. حط اسم الشبكة، نوع التشفير، والباسورد.
3. اعمل Generate.
4. خلي الشخص يمسح الكود بالكاميرا.
مشاركة الباسورد من أندرويد لأي جهاز
لو موبايلك أندرويد بإصدار Android 10 أو أعلى، تقدر تشارك الباسورد بسهولة برمز QR، إليك الخطوات:
- افتح الإعدادات > الشبكة والإنترنت أو الاتصالات.
- اختر Wi-Fi، وبعدين اضغط على اسم الشبكة المتصل بيها.
- اختار مشاركة أو علامة QR.
- أدخل البصمة أو الرقم السري لو طلب منك.
- هيظهرلم رمز QR.
- خلي الشخص التاني يفتحه بالكاميرا (سواء كان هاتف أندرويد أو آيفون) ويدخل على الشبكة على طول.
