أحمد الفيشاوي: لوعملت مسلسل هتفرج عليه في البيت أما الفيلم بلف بيه العالم

تحدث أحمد الفيشاوي عن رأيه في التمثيل التلفزيوني، قال: "بقالي 14 سنة متخصص سينما، لأن في الدراما باخد فلوس كتيرة جدًا ومش بعمل مجهود في الدور، ومرفوض إني أقعد 3 شهور في دور واحد حتى لو هاخد كنوز الدنيا كلها".

وتابع الفيشاوي خلال لقائه  ببودكاست «حوارات مع عباس»، أن رأيه عن التلفزيون تكون عنه  من عدة أراء أخرى مثل يوسف شاهين، معقبًا: "قالي المسلسل زي الجورنال تقراه وتمسح بيه الزجاج، لكن الفيلم زي الكتاب بتحطه في مكتبتك وتقدسه".

وواصل أحمد الفيشاوي: "وحيد حامد قالي التليفزيون ده رغي، وفاروق الفيشاوي قالي التليفزيون لا ذاكرة له".

واستطرد: "وأنا بنيت على الكلام ده إني لوعملت مسلسل هقعد في البيت اتفرج عليه، لكن لو عملت فيلم هلف بيه العالم والمهرجانات".

فيلم السيستم 

ويذكر أن فيلم “السيستم” آخر عمل شارك به أحمد الفيشاوي في السينما، والذي تدور أحداثه في إطار رومانسى لايت من إخراج أحمد البنداوى، وتأليف أحمد مصطفى وتصوير هيثم مصطفى، وبطولة أحمد الفيشاوى، نسرين طافش، طارق لطفى، محمد على رزق  بسنت شوقى، وعدد من ضيوف الشرف أبرزهم ميس حمدان، والمذيعة الأردنية راندا جبر ونهى عابدين،  أحمد فهيم ومحمود البزاوى، رانيا منصور.