بعد تعرضها لوعكة صحية.. ملك أحمد زاهر: اللهم اشف جسدي من كل ضعف

حرصت الفنانة ملك أحمد زاهر، الدعاء لنفسها بعد تعرضها لازمة صحية خلال الأيام الماضية ونقلها إلى المستشفى.

وكتبت ملك أحمد زاهر، عبر صفحتها على موقع تبادل الصور والفيديوهات انستجرام:« اللهم رب الناس، أذهب البأس، اشف أنت الشافي، لا شفاء إلا شفاؤك، شفاءً لا يغادر سقما.. اللهم إني أسألك من عظيم لطفك وكرمك وسترك الجميل أن تشفيني وتعافيني، وتمسح عني كل ألم يا أرحم الراحمين.. اللهم اشف جسدي من كل ضعف، وقلبي من كل هم، وعقلي من كل قلق، واملأني يقينا أن ما عندك خير مما فقدت».

وتعرضت الفنانة ملك أحمد زاهر لوعكة صحية أجبرتها على دخول المستشفى وإجراء عدد من الفحوصات الطبية وحتى الآن لا تعلم تسبب تعبها، وكشفت عن تفاصيل مرضها من خلال منشور نشرته عبر خاصية ستوري على حسابها الشخصي بـ«انستجرام».

وعلقت ملك زاهر قائلة: «أنا عمري ما كنت بنزل غير الحاجات اللذيذة أو الهزار أو اي حاجة إيجابية من الآخر، ولما كنت أحب أنزل حاجة سلبية كنت باخدها بهزار وينزلها close friends وبهزر بيني وبين صحابي بس بجد حاسة أن الفترة الأخيرة بيجيلي كومنتس كلها مانتي عايشة ومبسوطة وأحنا مش عايشين وأيه كل اللي انتو فيه وحاسة أن في الناس بصة على اتفه الحاجات اللي ممكن تكون عندي أو بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين».

وأضافت: «حبيت بس أقولكم أن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجاة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي أنا فيه ده ونفسيتي وحشة أوي».

وتابعت: «أنا بحكي الكلام ده عشان تعرفوا بس أن حياتي فيها الحلو والوحش والله زي اي حد بس أنا بحب دايما أشير الحلو بس وغالبا ده غلط، فقررت أشارككم كمان الوحش، ومع أن اللي بيحصلي دلوقتي أنا بحمد ربنا عليه وعارفة أنه بإذن الله هايكون حاجة بسيطة وأن شاء الله هاخف وکله هايكون تمام بس هو مخلي نفسيتي وحشة أوي حقيقي».

واختتمت: «كل اللي بطلبه أنكم ما تحكموش على حد من السوشيال ميديا أو من ظهوره في أي حاجة لأنها بتوري بس يمكن 20% من حياته وأدعولي اخف بسرعة شكرًا».