ماذا قال زوج أسما شريف منير لها بعد أول يوم زواج؟
بعد زواج أسما شريف منير، أمس السبت، وإعلانها رسميا عبر حسابها الشخصي على إنستجرام، علق أحمد عزمي زوجها عبر حسابه على إنستجرام قائلاً: "متشرف جدًا إن أسما مراتي، وأهلها الطيبين المحترمين، اللي عندهم إحساس بالبشر، علموني حاجات كتير، بشكر والد أسما على الثقة اللي ادهالي، وعايز أطمنه إن أسما في عيني، وبوعده إني هبذل أقصى ما عندي عشان أسعدها".
وأضاف: "رأيي الشخصي إن العلاقات دايماً بتحتاج مجهود من الطرفين عشان يقدروا بعض، الرجالة بالذات عليهم دور القوامة وده في الدين، بس القوامة مش معناها التسلط، زي ما أغلب الرجالة فاهمة! هي رعاية ومسؤولية".
وأوضح: "الراجل لازم يكون داعم وسند لمراته ويتعامل معاها برحمة واحترام، لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق وحاجة فيها هدوء وأمان، عندي رسالة بسيطة أوي، دوروا على رضا ربنا واسعى وتوكل على ربنا، بالمعاملة الكويسة، الرحمة، وحب الخير مش هتلاقوا غير خير ورزق واسع وأماني بتحقق".
وكانت قد أعلنت أسما عن زوجها قائلة: “أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير قوي اتعلمتها، تجارب دخلت فيها، اختيارات وصلت لها”.
