في يوم من الأيام همشي.. شريف منير يوجه رسالة مؤثرة لزوج ابنته
احتلفت أسما شريف منير بعقد قرانها، في احتفال جمع الأهل والأصدقاء، حيث حرصت على إقامة حفل بسيط برفقة والدها الفنان شريف منير، والذي وجه رسالة مؤثرة لزوجها خلال مراسم عقد القران.
وقال الفنان شريف منير خلال فيديو تم تداول من مراسم عقد القران: "أهم حاجة إنك تحتويها، لأن أسما تعبت وكافحت في حياتها، ووقفت جنبي كثيراً هي تعتبر أمٌّ لي، وهي اللي بتوجهني. مش طالب منك أي حاجة غير إنك تحتويها، لأني في يوم من الأيام همشي، وعاوز أبقى مطمئن عليها".
وشاركت متابعيها عبر حسابها الرسمي على إنستجرام صورة من عقد قرانها، والتي ظهرت فيها بـ “لوك بسيط وجذاب”، وعلقت قائلة: " من الحاجات اللي اتعلمتها إني ما عودش أفكر في المستقبل، ما عودش أفكر في إزاي أوضب حاجة وأعمل فرح كبير مبهرج وفي حاجات كتيرة قوي بالزيادة، ولا حتى كنت عايزة أعمل أي حاجة من الحاجات دي بشكل شغل، إني مثلاً أعمل كولابوريشن أو حاجات".
ديكور بسيط وصور من الموبايل
وأضافت أسما: “ كنت عايزة إن أعمل حاجة أقدر عليها وتبقى في استطاعتي، وتبقى مبهجة وإنتيمت، وفيها الناس القرايبين مني قوي وأهلي. وحبيت إن أعمله في بيتنا، وحبيت إن الفرحة تبقى دي أول حاجة موجودة في البيت. حبيت إن أعمل ديكور بسيط، حبيت إن ألبس حاجة بسيطة، حبيت إن الصور تبقى متصورة من الموبايل عادي، صحابنا اللي مصورنا، إحنا اللي عملنا الديكور بتاع المكان بإدينا، وإحنا اللي عاملين كل حاجة في البيت بإدينا”.
وجدير بالذكر أن أسما شريف منير تزوجت مرتين من قبل، الأولى من رجل الأعمال محمود السكري والد ابنتها "لارا"، والثانية من الفنان محمود حجازي.