رحمة أحمد عن أزمة دنيا سامي ومصطفي غريب: الاتنين أوحش من بعض

تفاعلت الفنانة رحمة أحمد مع ما تم تداوله بخصوص الهجوم على الفنان مصطفى غريب بسبب تصريحات دنيا سامي الأخيرة في برنامج “صاحبة السعادة”، والتي قالت فيها بأن مصطفى غريب يراها غير جميلة.

وعلقت رحمة أحمد عن طريق خاصية “ستوري” على حسابها الرسمي بموقع انستجرام، قائلة: “الاتنين أوحش من بعض”، وقامت دنيا سامي بإعادة نشر الحالة وكتبت عليها “كولمن بيتكلم”، وردت رحمة مرة أخرى قائلة: “الصحاب السند”.

وكتبت الفنانة دنيا سامي، عبر صفحتها في موقع فيسبوك، على ما يتعرض له الفنان مصطفى غريب، قائلة: "بالنسبة للبوستات المنتشرة اللي مشيرة حلقتي مع أستاذة إسعاد يونس اللي أنا بقول فيها إن مصطفى غريب بيتريق عليا وبيقول عليا وحشة وده طبعاً جاب لمصطفى الكلام والشتيمة".

دنيا سامي: محدش في الدنيا يشتم مصطفى غريب غيري

وأضافت دنيا سامي: "أولاً شكراً على دفاعكم عني بس أنا أصلاً مش زعلانة من حاجة وأنا ومصطفى صحاب ودفعة واحدة وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر، مصطفى غريب ده أقرب وأجدع وأطيب بني آدم في حياتي وحياة كل صحابه ولو قعدت أتكلم عليه من هنا ل 100 سنة مش هيكفي والله قد إيه هو ضهري في الحياة".

وواصلت دنيا سامي: "واللي أنا قولته في البرنامج على اللي مصطفى بيقوله عليا ده هزار بين أي صحاب في أي شلة وأنا الحمدلله معنديش عقد ومش حتى عندي عقد ومش عارفة ومش عندي عقد هتظهر بعد كده ..هو بجد مفيش حاجة واصلاً لو كملتوا باقي الحلقة مع أستاذة إسعاد هتعرفوا إننا مسكناه تريقه وتقطيع أكتر من اللي هو بيهزر فيه معايا بكتير".

واختتمت: "ولو سمحتوا محدش في الدنيا يشتم مصطفى غريب غيري".