"أنتي وحشة".. دنيا سامي تدافع عن مصطفى غريب بعد الهجوم عليه

حرصت الفنانة دنيا سامي، على الدفاع عن صديقها الفنان مصطفى غريب، بعد تصريحاتها الأخيرة في برنامج صاحبة السعادة أنه كان يتنمر عليها ويقول عليها «وحشة».

وكتبت دنيا سامي، عبر حسابها بموقع التواصل الاجتماعي فيسبوك: «بالنسبة للبوستات المنتشرة اللي مشير حلقتي مع أستاذة إسعاد يونس اللي أنا بقول فيها أن مصطفى غريب بيتريق عليا وبيقول عليا وحشة، وده طبعًا جاب لمصطفى الكلام والشتيمة».

وأوضحت قائلة: «أولًا شكرًا على دفاعكوا عني بس أنا أصلًا مش زعلانة من حاجة وأنا ومصطفى صحاب ودفعة واحدة وإحنا الاتنين اتمرمطنا زي بعض، وأنا كنت بحكي ده بهزار لأني عارفه إني قمر».

وأضافت دنيا سامي:«مصطفى غريب ده أقرب وأجدع وأطيب بني آدم في حياتي، وحياة كل صحابه ولو قعدت اتكلم عليه من هنا لـ 100 سنة مش هيكفي والله قد إيه هو ضهري في الحياة.. واللي أنا قولته في البرنامج على اللي مصطفى بيقوله عليا ده هزار بين أي صحاب في أي شلة».

وتابعت: « أنا الحمد لله معنديش عقد ومش حتى عندي عقد ومش عارفة ومش عندى عقد هتظهر بعد كده.. هو بجد مفيش حاجة وأصلًا لو كملتوا باقي الحلقة مع أستاذة إسعاد هتعرفوا إننا مسكناه تريقة وتقطيع أكتر من اللي هو بيهزر فيه معايا بكتير، ولو سمحتوا محدش في الدنيا يشتم مصطفى غريب غيري».