بعد ارتدائها الحجاب.. حلا شيحة: "أكتر حاجة بتشغلني وبتملأ قلبي هي حب ربنا"

ظهرت الفنانة حلا شيحة، للحديث عن  رحلتها الروحية وعودتها إلى الله بعد فترة من الابتعاد، وذلك بعد ارتدائها الحجاب من جديد. 

ونشرت حلا شيحة، أول فيديو لها عبر قناتها على موقع الفيديوهات الشهير «يوتيوب»: «أنا سعيدة جدًا إني باتكلم عن ربنا، وسعيدة إن في ناس بتبعتلي تقول لي إحنا بنحب طريقتك. أكتر حاجة بتشغلني وبتملأ قلبي هي حب ربنا، ولما بعدت عنه، قدرت أرجع تاني لأن الآيات كانت محفورة جوايا».

تابعت: «ناس كتير بتسألني إزاي قدرت أرجع وأكون قوية، الموضوع مش سهل، بس ربنا جميل ودايمًا بيهدينا».

وكانت  الفنانة حلا شيحة، نشرت مقطع فيديو عبر حسابها الرسمي على "إنستجرام"، تحدثت فيه عن لحظات خاصة من التأمل كانت تعيشها منذ صغرها، قائلة: "وأنا صغيرة كنت بحب أوي موضوع التفكر، وأصحى بدري وأروح أقعد على البحر بالليل مكنتش بحب أطلع، وكنت أتأمل في السما والبحر وأقول لنفسي البحر عظيم جدًا".

وأضافت: "كنت ببص على البحر وأسأل: طب هو ربنا فين؟ إحنا مش شايفينه، طب هو فعلًا موجود؟ وكنت أقول يمكن في حاجة في آخر البحر نظري مش بيجيبها. وقتها فهمت إن ربنا موجود، لكن أنا مش شايفة لأن نظري قصير".

ويُذكر أن الفنانة حلا شيحة عادت مؤخرًا لارتداء الحجاب، وبدأت في مشاركة متابعيها عبر "إنستجرام" بمقاطع تعبر فيها عن إيمانها وتأملاتها في الدين والحياة، في خطوة لاقت دعمًا كبيرًا من جمهورها وعدد من الفنانين.