مع اقتراب عيد الأضحى.. طريقة عمل الفتة على النهج الصعيدي

مع شروق شمس أول أيام عيد الأضحى، وبين تكبيرات العيد ولمّة العائلة، تبدأ الأسر المصرية استعداداتها لتحضير واحدة من أشهر وأشهى أطباق العيد: الفتة.
ورغم تنوع العادات من بيت لآخر، تظل فتة العيد حاضرة بطقوسها الخاصة ونكهتها التي ارتبطت بذاكرة العيد في كل بيت مصري.

تحضيرات الفتة تبدأ مبكرًا، فور الانتهاء من صلاة العيد، حيث تُطهى اللحوم الطازجة بعد الذبح مباشرة، وتُجهّز الصلصة والثوم المحمّر بعناية، ويُرصّ العيش المحمّص فوق الأرز، في ترتيب تقليدي يحمل طابعًا احتفاليًا متوارثًا.

الفتة ليست مجرد طبق، بل هي إعلان منزلي ببدء العيد الحقيقي، وعنوان للكرم والمشاركة، حيث تجتمع العائلة على سفرة واحدة، يتقاسمون اللقمة والفرحة.

طريقة تحضير فته العيد على نهج الصعيد 

المكونات

كيلو لحم ضاني (يفضل من الرقبة أو الكتف)

أرز أبيض مفلفل

عيش بلدي محمّص أو مقلي

سمنة بلدي

ثوم مفروم

خل

ملح وفلفل وبهارات لحمة

شوربة اللحم

الطريقة

1. سلق اللحمة

اغسل اللحمة كويس، وسلقها في مية مغلية مع بصلة، ورقة لورا، حبهان، ومستكة.

لما تستوي، خُد الشوربة عشان هنحتاجها في الفتّة.

2. تجهيز العيش

يتم تقطّيع العيش البلدي مكعبات.

حمّره في السمنة البلدي أو دخّله الفرن لحد ما يقرمش.

3. تسوية الأرز

اعمل رز أبيض مفلفل، بالسمنة البلدي لو حبيت تزود النكهة.

4. التقلية (الروح بتاعة الفتّة)

في طاسة، يتم نزول شوية سمنة بلدي.

وضع الثوم المفروم لحد ما يصفرّ.

ضيف عليه الخل، وشوية من شوربة اللحمة، ورشة ملح وفلفل.

5. التقديم

في طبق كبير: يتم رصّ العيش في القاع، وسقّيه شوية شوربة.

فوقه طبقة رز.

بعدين نزّل التقلية وهي سخنة.

حط اللحمة على الوجه، ولو عايز تزود الشوربة فوق كله وتدخلها الفرن دقيقة، يبقى .

ملاحظات يجب اتباعها 

السمنة البلدي مش اختيار، دي أساسي!

التقلية لازم تكون سخنة وساكنة في الطبق.

وافتكر: الفتّة من غير لمّة العيلة.. ملهاش طَعم.