رنا سماحة بعد الانفصال: «أصحاب طليقي رفضوا يشتغلوا معايا»
خرجت الفنانة رنا سماحة، للهجوم على أصحاب طليقها الملحن سامر أبو طالب، الذين رفضوا العمل معها بعد إنفصالهم، عبر صفحتها على موقع تبادل الصور والفيديوهات «إنستجرام».
وقالت: «الموضة الجديدة بقى، مجموعة من الفنانين المبدعين الشباب قرروا يعملولي مقاطعة ظاهرية وميشتغلوش معايا عشان هم أصحاب طليقي على أساس اني هقعد في البيت ومش هلاقي حد اشتغل معاه بقى».
تابعت: «طيب يا ريت لو انت منهم وبتقرأ كلامي متبعتليش رسائل بقى .. طالما راجل ومتتعاملش معايا انسانياً خالص واعتقد ده أولى أصل ده لما بيحصل في الشغل بلاش اقولك بنقول عليكوا ايه، ماليش في الحروب المستخبيه دي خالص انا ارجل من كده بكتير».
وكانت أثارت المطربة رنا سماحة، بمنشور عبر صفحتها على موقع التواصل الاجتماعي، بعد أيام من انفصالها عن زوجها الملحن سامر أبو طالب.
علقت رنا سماحة، قائلة: «ربنا ينتقم من كل اب بيدور إزاي يأذي ابنه اللي منه وينتقم من كل عيلة معرفتش تربي وبتقوي على الغلط وحسبنا الله ونعم الوكيل.. ربنا يردهولكم في أعز ما ليكم ويقدر كل اللي اتكتب عليها تبقى اب وام واحصدوا الي بتزرعوه»، مما أثار التساؤلات حول طليها سامر أبو طالب.
