استشاري تربوي: «العلاقة بين الوالدين وأبنائهم تكون من أول 8 سنوات»

إن تعديل سلوك الأبناء من أكثر الأمور التي تواجه الأمهات والآباء ويجدون بها صعوبة بالغة لأنه أمر غير هين، حيث يتطلب المزيد من الجهد والمشقة وقد يتطلب الأمر الاستشارات التربية لتلك الأبناء، فما هي أهم النصائح الموجه للوالدين عند تربية وتعديل سلوك أبنائهم؟

قالت الدكتورة إيمان عباس، الاستشاري التربوي وتعديل السلوك، إن كثيرًا من الأمهات والآباء يشعرون فجأة بأن أبناءهم "اتغيروا"، وكأنهم لم يعودوا نفس الأطفال الذين كانوا يطيعون الأوامر بلا نقاش.

سن المراهقة

وتابعت الاستشاري التربوي وتعديل السلوك، خلال حوار مع الإعلامية مروة شتلة، ببرنامج "البيت"، المذاع على قناة الناس، اليوم الأربعاء، أن "سن المراهقة" هو بالفعل مرحلة انتقالية معقدة، يبدأ فيها الأبناء خاصة الذكور في البحث عن هويتهم الخاصة، وهو ما قد يظهر في تغييرات واضحة مثل شكل قصة الشعر أو طريقة اختيار الملابس، ويصبح لهم رأي مستقل لأول مرة.

أول خطوة فهم الوعي

ومن جانبها أكدت أن: "الأهل بيتخضوا لأنهم بيبقوا فاكرين إن الولد ضاع أو البنت راحت، بس هو ده الطبيعي في المرحلة دي، وإن شاء الله مش هيفضلوا يقلدوا السوشيال ميديا طول عمرهم".
وأضافت قائلة: "أول خطوة لازم نعملها كأهل إننا نفهم ونوعي نفسنا بالمرحلة دي، وده هيغيّر رد فعلنا، وبدل ما نبقى بنزعق وننفعل، هنبقى بنتصرف بحكمة".

أمور يجب الإنتباه إليها

وأوضحت: "في حاجات لازم نعديها التغافل الذكي، عشان نعرف نقف عند اللي ما ينفعش يتعدي، يعني لما حاجة تخبط في القيم بتاعتي، أو حاجة عيب أو حرام أو ما تنفعش في بيتنا، أبدأ أتكلم".
وشددت على أهمية الحوار قائلة: "أنا مش ضدهم، ولا بغلس عليهم، أنا بس خايفة عليهم، ولما أقول كده هم ممكن يزعلوا، بس الكلام بيوصل، حتى لو راحوا عملوا الحاجة من ورايا".

واختتمت حديثها قائلة: "العلاقة اللي بيني وبين ابني أو بنتي هي اللي بتحميهم بعد كده، ولازم أبدأ أبنيها من بدري، من أول 8 سنين كده، وأكون واعية إمتى أطنش وامتى أقف.. وأقف على اللي يستاهل".