ودّعي الكاتشب الجاهز.. حضريه في البيت بمكونات بسيطة وطعم ولا أشهى.

الكاتشب من الإضافات المفضلة على السفرة، خاصًة للأطفال، لأنه بيكمل طعم البرجر، البطاطس المقلية، الساندويتشات، وحتى البيتزا. لكن بدل ما تشتريه جاهز ومحمل بالمواد الحافظة، جربي تعمليه في البيت بطريقة صحية واقتصادية.

الكاتشب البيتي ليس فقط يقوم في توفير الميزانية، لكنه سهل التحضير، ومكوناته بسيطة وتوجد في كل مطبخ، والطعم أقرب ما يكون للجاهز إن مكنش إلذ.

طريقة تحضير الكاتشب البيتي

المكونات:

1 كيلو طماطم طازجة

1 كوب سكر

1 كوب خل أبيض

2 ملعقة صغيرة ملح

1 ملعقة صغيرة فلفل أسود

1 ملعقة صغيرة ثوم بودرة

1 ملعقة صغيرة بصل بودرة

3 ملاعق كبيرة نشا

¼ كوب ماء

خطوات التحضير

1. اغسلي الطماطم وقطّعيها مكعبات صغيرة.

2. حطيها في حلة على النار وسيبيها تغلي لحد ما تبقى طرية.

3. بعد ما تبرد شوية، اضربيها في الخلاط كويس جدًا.

4. رجعي الخليط على النار وضيفي السكر، الخل، الملح، الفلفل، الثوم والبصل البودرة.

5. قلّبيهم وسيبيهم على نار هادئة حوالي 15 دقيقة.

6. ذوّبي النشا في ربع كوب ماء، وضيفيه على الخليط.

7. استمري في التقليب لحد ما القوام يتماسك.

8. ارفعيه من على النار وسيبيه يبرد تمامًا.

9. صبي الكاتشب في برطمان أو زجاجة معقمة، واحتفظي به في التلاجة لمدة أسبوعين.

نصيحة : ممكن تضيفي رشة بابريكا أو نقطة عسل للحصول على نكهة مميزة.