صابرين ضيفة مها الصغير في «السهرة» مساء شم النسيم على CBC

تستضيف الإعلامية مها الصغير النجمة صابرين في حلقة خاصة من "السهرة"، وذلك مساء اليوم الإثنين، بمناسبة أعياد الربيع وشم النسيم على قناة CBC في تمام الساعة التاسعة مساء.

اللقاء يكشف جوانب غير تقليدية من حياة صابرين، ويأخذ المشاهد في رحلة إنسانية وفنية ممتعة.

وبدأت صابرين مشوارها من طفولتها قبل أن تتحول لواحدة من أبرز نجمات الدراما المصرية، ونجحت في الجمع بين الأداء الصادق والشخصية القريبة من قلوب الناس.

من ناحية أخرى، نشرت الفنانة صابرين، في وقت سابق، منشورا على صفحتها الشخصية بموقع “فيس بوك”، معلقة على اختيار أغنية “اسلمي يا مصر” في نهاية مسلسل لام شمسية.

كتبت صابرين: “شوف ياكريم أنا وأسرتي الكبير والصغير واهمهم أولادي خاصتآ في هذا العمل لأني كنت طول الوقت وهما أطفال  صغيرة بفهمهم بطريقه غير مباشرة أزاي اي حاجه مهما كانت مزعجه لازم  تتقال وخصوصا لما كنت  بقول الممنوعات وكانوا بيعملوها بس مش فاهمين ليه بكرر كلامي ده كتير".

واضافت: "زي يعني ماحدش يقولك تعالي اقعد علي حجري مثلا او السواق يقولك تعالي اعلمك السواقه وتقعد علي حجره ممنوع وكنت أقولهم فيه أماكن لو اي حد سواء راجل او ست قريب او غريب  لمسها فورا تيجي  تقولوا وكنت بخترع اي سبب علي حسب تفكير ووعي كل ابن لأن كل واحد مش زي التاني في  استيعاب المعلومة والأجيال بتتغير بتغير المجتمع اللي حواليه”.

وتابعت: “لحظة نزول التتر الأخير بأغنية اسلمي يامصر حقيقي حسينا كلنا بقشعريرة غريبه وشوفت في عين ولادي نظرة عمري ماشفتها وهما بيبصولي وأنا دموعي بتنزل هما طبعا كانوا فاهمين أنا كنت بقولهم كده ليه زمان بس الأهم هما ماكنوش مدركين لو كان ده حصل كانوا ممكن يحصلهم ايه".

واكملت: "وده اللي جسده كل مشهد من المسلسل ومن كل الشخصيات اللي كانت تقصد واللي ماكنتش تقصد كأنها كانت لعبه  بيلعبوها وهما أطفال زي مشهد جارة أمينة وهما صغيرين لكن نظرة ولادي كانت ليها معاني جميلة بما معناه قد ايه كان خوفك علينا كان صح وماخفتيش انك تقوللنا كل شويه لو حصل كارثة أي كارثة قولولي وأنا هتصرف لأن مافيش حد هيقف جنبكم غير أمكم وأبوكم”.

واختتمت: “ولما خلصت الحلقة الأخيرة ماستغربناش التتر الأخير بل حسينا باطمئنان ودفء ومعني حقيقي بالفخر وخوض معركه مع الحياة انتصرنا فيها بسلام أنا كأم حسيت أن  التتر  نصرني وأنصفني  كأم  علي أي  ذئب او فكر بشري كان ممكن يغير مشوار حياتنا ونصر مهنتي  والرسالة التي صنعت من اجلها الدراما المصرية من اول يوم شفتك يا كريم وأنا عارفه انت هتعمل إيه الف مبروووك يا حبيبي يا محارب بشرف وفخر”.