فرح عزت: الوقوف أمام دنيا سمير غانم في "عايشة الدور" حلم تحقق وتعلمت منها الكثير

أبدت الفنانة الشابة فرح عزت سعادتها البالغة بالمشاركة في مسلسل "عايشة الدور" إلى جانب النجمة دنيا سمير غانم، ووصفت تجربتها معها بأنها استثنائية، قائلة: "العمل معاها كان أشبه بحلم يقظة، تجربة مليانة طاقة وحب وإبداع."

وأشادت فرح في تصريحاتها لـ"الجمهور" بشخصية دنيا سمير غانم، مؤكدة أنها فنانة ملهمة بطبعها، قريبة من الكل، وتمنح كل من يعمل معها شعورًا بالأمان والدعم، مضيفة: "هي موهبة وإنسانية في نفس الوقت، وده بيخلي أي حد يشتغل معاها يتعلم ويستمتع من قلبه."

وتابعت: "من أكتر الحاجات اللي بحبها فيها إنها بتحب شغلها جدًا، وده الإحساس بينتقل لكل اللي حواليها، فبيتحول التصوير لحالة فنية ممتعة."

"سالي" و"فاطيمة" لامسوا الجمهور

وحول ردود الأفعال التي تلقتها على أدائها في المسلسل، عبّرت فرح عن دهشتها من حجم التفاعل والدعم، خاصة تجاه الشخصيتين اللتين قدمتهما: "سالي" و"فاطيمة"، وقالت:"الناس تعلقت بالشخصيات بشكل مش متوقع، وأكتر حاجة لمستني فعلًا كانت تعليقات الجمهور على المشاهد اللي جمعتني بوالدتي في الأحداث، الرسائل كانت مليانة مشاعر حقيقية ومؤثرة جدًا."