«ماتبقشش من جيب غيرك».. اشتعال الخلاف بين سامح حسين وياسمين الخطيب

أثارت تصريحات الفنان المصري سامح حسين حول إجازات الأعياد جدلًا واسعًا، بعدما عبر عن رأيه خلال احتفالية عيد الفطر بحضور الرئيس عبد الفتاح السيسي.

حيث قال سامح حسين: «مصر فيها حاجات حلوة كتير أوى ومن ضمنها أنك مش محتاج مناسبة معينة عشان تسمع جملة كل سنة وانت طيب، وتقدر تقولها أمام أي حد، ولو صغر دماغه معاك مش هتغلب وهتلاقي مناسبة، وإحنا شعب بيحب الحياة والاحتفالات».

وأضاف: «إحنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير أوي».

رد ياسمين الخطيب علي تصريحات سامح حسين

مما ذلك اثار جدلا، لترد علي تصريحاته الاعلامية ياسمين الخطيب، وكتبت علي صفحتها الشخصية بموقع فيسبوك قائلة: « يا أستاذ سامح.. حضرتك ما عندكش شغل تروحه كل يوم، والتصوير بتروحه بعربية مكيفة، أغلب المصريين بيشتغلوا 9 ساعات يوميًا، ده غير ساعتين تلاتة بيضيعوا في المواصلات (أتوبيسات وميكروباصات وتكاتك).. فلما تتكلم عن تقليص الإجازات، ماتتكلمش بلسانهم، ماتبقشش من جيب غيرك!».

رد سامح حسين علي الاعلامية ياسمين الخطيب

ليرد الفنان سامح حسين، علي تصريحات الاعلامية ياسمين الخطيب علي صفحته الشخصية علي موقع فيسبوك، قائلا:«جمهوري الحبيب.. كل سنة وانتم طيبين وبخير.. بناء على طلبكم.. والناس اللي طلبت تفسير لموضوع إني بطالب بإلغاء الأجازات في الأعياد الكلام ده طبعا غير حقيقي بالمرة».

وأوضح قائلا: «أنا زيكم بحب الأجازة وبحب زيكم اشتغل بإخلاص زي كل واحد في مجاله .. الأجازة دي نعمة من ربنا نشحن من خلالها قوتنا لمواصلة مشوار الحياة .. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة».

وأضاف:« لكني لم أقصد أبدا إلغاء الاجازات الرسمية .. وعلي فكرة إحنا بنحب الأجازة علشان بنشتغل .. أي حد جرب قلة الشغل مش هيحب الأجازة .. الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير .. يارب حياتكم تكون كلها أعياد وفرحة».