خسارة للفن.. عضو نقابة المهن التمثيلية يدعم محمد سامي بعد اعتزاله
دعم الفنان إيهاب فهمي، عضو نقابة المهن التمثيلية المخرج محمد سامي، بعد إعلان اعتزاله إخراج الدراما التليفزيونية، وسفره إلى خارج مصر لتعلم والدراسة من جديد.
وكتب إيهاب فهمي، عبر حسابه على موقع التواصل الاجتماعي "فيسبوك": "مهما كان قرارك، فوجودك مهم للفن، وابتعادك لفترة خسارة للفن والإنسان والفنان والأخ والصديق محمد سامي، أتمنى ألا يحدث".
محمد سامي يعلن اعتزاله الإخراج التلفزيوني
وكتب محمد سامي، عبر صفحته على موقع التواصل الاجتماعي فيسبوك: “وداعا الدراما التلفزيونية السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي 15 سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور".
وتابع: “يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من التزامات موقعة مع شركات و نجوم و الحمد لله إنتهيت منها وكان أخرها 2025، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه”.
وأضاف محمد سامي: “كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة و بشكر كل زميل منافسته كانت دافع للتميز وبعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا”.
واستكمل: “أدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد مالقيت نفسي بكبر و خايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه وعايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم وبشكركم على سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة”.
