صابرين: ارتداء وخلع الحجاب كانا أصعب قرارين في حياتي وضيعت بسببه فرص كتير

كشفت النجمة صابرين، عن أصعب قرار اتخذته في حياتها وهو ارتداء وخلع الحجاب، قائلة: "أصعب قرار إنى اتحجبت والأصعب أني خلعت الحجاب ومكنش المفروض أعمل كده من البداية غير في التوقيت الصح وقبل خلع الحجاب بأيام كنت حاسه إني بعمل حاجات مش مصدقاها".

وأكدت صابرين، خلال حوارها ببرنامج "حبر سري"، مع الإعلامية أسما إبراهيم، المذاع على قناة القاهرة والناس، أنها لا تصر على شيء إلا وهي مؤمنة به، مضيفة: "لازم أكون مؤمنة بالحاجة حتى لو هتحدى العالم والمهم أنى مؤمنة باللي بعمله عشان هتحمل لوحدي النتيجة".

وتابعت: "لما أخذت قرار الحجاب حسيت أنى مش راضية على نفسي وكنت ماسكه العصايا من النص والنفس اللوامة تعاتب طول الوقت غلط وصح وفي النهاية لا يكلف الله نفسا إلا وسعها ومقدرتش أكمل وحسيت يا كده يا كده ولما يجي وقتها ربنا كريم وديننا دين معاملة وفاتني فرص كتير بسبب الحجاب لكن كنت مبسوطة".

وردت على موقفها من امكانية ارتداء الحجاب مرة أخرى قائلة: "التفكير في الحجاب تاني إحنا هنحط الحجاب لما نموت ومن غير ما افكر فيه هيتلبس".