«شاذ وابن رقاصة» يشعل الجدل بين محمد سامي وطارق لطفي.. ما القصة؟
أثارت تصريحات الفنان طارق لطفي خلال حلوله على أحد البرامج التلفزيونية، حالة من الجدل، خاصة فيما يتعلق برفضه لدور «شاذ» في مسلسل من إخراج محمد سامي؛ ليخرج الأخير ليرد نافيا كلامه قائلا: «راجع نفسك يا صديقي قبل إلقاء قنابل تزعل زميلك منك».
وكشف المخرج محمد سامي، خلال منشور، على صفحته ب«فيس بوك»، تفاصيل العمل لتوضيح التصريحات التي أدلى بها طارق لطفي، موضحا طبيعة دوره في مسلسل «كلام على ورق» والذي تم عرضه منذ ما يقرب من 11 عام تقريبا.
قال «سامى»: رداً علي كلام طارق لطفي المنتشر اليومين دول أولاً طارق ممثل محترم وإنسان جميل واشتغل معايا مرتين، مرة في مسلسل "مع سبق الإصرار"، ومرة تانية في مسلسل "حكاية حياة"، وأعتقد الدورين كانوا مهمين ومحترمين جداً وحقق فيهم نجاح مهم، بعدها عرضت عليه دور في مسلسل "كلام علي ورق" وحصل خلاف إنتاجي علي الأجر تقريباً وعلي مساحة الدور، وعمل الدور ساعتها الراحل الجميل الأستاذ حسين الإمام والكلام ده سنة 2014 يعني من 11 سنة.
وتابع: فوجئت إن طارق لطفي طالع دلوقتي بيقول إنه رفض يقدم الدور لأنه كان دور واحد شاذ جنسياً وبدأ يتكلم عن المجتمع والناس وخوفه علي الجمهور وكلام غريب جداً بحاله من المبالغة والاسترسال لكسب ود الجمهور واللعب علي الحالة الدينية والمتحفظة عند الجمهور العربي، ولكن فاته حاجة مهمة إنه بيتكلم عن دور في عمل مصور وموجود والناس تقدر تتفرج عليه، و الدور مش دور شاذ ولا ليه علاقة بالشواذ!!.
وأوضح: مش فاهم طارق قال كده ليه واخترع الموضوع ده إزاي و كمان عمل حكاية غريبة جداً أنا مش فاهمها وإنه خاف علي عيلته وأسرته وطلعني بروج لشئ غريب جدا، أنا أول مرة وسط عرض عمل ليا أسمح لحد ياخدني لموضوع جانبي ولكن كان لازم أرد، لأن لو طارق عنده عيلة فأنا كذلك.
وأكمل: ومع احترامي ليك يا طارق كلامك مختلق وغير صحيح والدور موجود ينفع الناس تشوفه وكان حسين الإمام رحمة الله عليه طالع بيحب روجينا و هي حبيبة عُمره و أنتيمه ماجد المصري وأحمد زاهر وأشرف زكي.
واختتم: وكان جدع مايع عشان أمه رقاصة وصاحب كباريه وده اللي كان عاجبك في الدور وعملت معايا بروڤة أداء عليه وعلى مياعته وكان عاجبك، راجع نفسك يا صديقي قبل إلقاء قنابل تزعل زميلك منك، ومعلش إني رديت بالشكل ده ولكن لا بد من الرد للتوثيق، كلامك كان لازم يترد عليه وكل سنة وانت طيب وأسرتك الكريمة بخير ولو انت ترفض تقديم دور الشاذ فأنا قبلك أرفض أخرجه!!.
