والدة الشهيد عمر القاضي تهدي الرئيس السيسي قلادة بها صورة ابنها: «شكرا لإنك جبت حقه»

في حضور الرئيس عبدالفتاح السيسي لاحتفالية عيد الشرطة الـ73، عبرت والدة الشهيد عمر القاضي عن مشاعرها قائلة: "أنا متشرفة بوجودي النهاردة مع حضرتك، عشان غالي عندي.. أنا أهديت حاجة غالية عندي لحضرتك، وأنت جبت حق عمر وحق كل شهيد في مصر، كمل، وإحنا في ضهرك عشان تقضي على الشر وناسه".

رد الرئيس السيسي

رد الرئيس السيسي: “أنا اللي بشكرك، وربنا يتقبل عبده في عباده الصالحين ويبقى زخر ليكي يوم القيامة.. أنا بشكرك باسمي وباسم كل المصريين، وبشكرك على هديتك من ريحة عمر”. 

وتابع الرئيس السيسي: "أنا هاحتفظ بيها بكل حب وتقدير.. إنتوا اللي حافظتوا، وكل نقطة دم حافظت وكل روح راحت لربنا حافظت.. وكل إنسان قدم نفسه هو اللي حافظ على البلد. كل شهيد مش هننساه ومصر برده مش هتنساه. كل يوم بيتقدم لكل أسرة شهيد لإن الثمن ده غالي قوي، عشان مصر تبقى بأمان وسلام كان ثمن ولادنا المصريين، وعشان كده لازم نحافظ على الأمن والسلام اللي اتحقق بإذن الله تعالى".

إهداء قلادة للرئيس السيسي

وفي هذه المناسبة، أهدت والدة الشهيد الرئيس السيسي، قلادة تحمل صورة ابنها الشهيد عمر.