عمر مرموش: بتحول داخل الملعب أثناء المباريات وألعب بنفسي في البلاي ستيشن

كشف عمر مرموش نجم المنتخب الوطني المصري ونادي آينتراخت فرانكفورت الألماني، عن دوره فى الملعب عقب لمس الكرة، قائلا: "لما بدخل الملعب بتحول، بكون بره لذيذ وطيب وفى الملعب بتغير، ومحبش أخسر وعاوز كل اللى حوليا مركزين ومصحصحين، وبحاول أكون إيجابي ومفيد مع الفرقة".

وعن لاعبه المفضل على البلاى ستيشن قال عمر مرموش، خلال حواره مع الإعلامية إسعاد يونس، المذاع على قناة dmc: "بلعب بلاي ستيشن بنفسى فى النادى اللى بلعب فيه، وبقول لنفسى فى اللعبة إيه ده متشوت عدل، وبكلم نفسى أنت كويس هتجيب جون ومش مشكلة فى الفرصة اللى ضاعت هتيجى فرصة تانى".

عمر مرموش: الكورة يوم فوق ويوم تحت واللاعب بيكون مضغوط من أهله وأصدقائه

وتابع عمر مرموش: "اللاعب بيكون مضغوط من أهله واصحابه وكل الناس، والكورة يوم فوق ويوم تحت، وبحط لنفسى مستوى معين أثبت عليه، وبفكر بنفسى أنا مين وعملت إيه ووصلت لدا كله إزاى؟، وديما بحط لنفسى مستوى معين علشان أقدم ماتش كويس".

ويقدم عمر مرموش موسمًا مميزًا مع آينتراخت فرانكفورت الألماني، حيث ينافس على لقب هداف الدوري بعد تسجيله 15 هدفًا وصناعة 9 آخرين، ويحتل المركز الثانى بجدول ترتيب هدافى البوندزليجا خلف هارى كين نجم بايرن ميونخ المتصدر برصيد 16 هدفا، حيث بات قريبًا من الانتقال إلى مانشستر سيتي الإنجليزي بالميركاتو الشتوي الحالي.

ويعد مرموش ثانى أكثر لاعب مساهمة بالأهداف في كل المسابقات الأوروبية بعدما شارك في 34 هدفًا بتسجيله 20 هدفًا وصناعة 14 في الدورى والكأس المحلى بألمانيا وبطولة الدورى الأوروبى مع آينتراخت، وأصبح من أبرز لاعبي كرة القدم في العالم، وارتفعت قيمته التسويقية في الأسواق الأوروبية والعالمية.