«ده قمور وزي ابني»، رد غريب من ويجز على إعلان رامي صبري الصلح معه

أعلن الرابر ويجز عن انتهاء الخلاف الذي نشب مع الفنان رامي صبري في الآونة الأخيرة، مؤكدًا التصالح بينهما، وجاء ذلك بعد أن بادر رامي صبري بالإعلان عن مسامحته لويجز، قائلًا: «ده أخويا الصغير وأنا مسامحه»، مما أنهى التوتر وفتح صفحة جديدة بين النجمين.

وقال «ويجز» عبر حسابه الرسمي على موقع «فيسبوك»: «حصل خير يا جماعة راني صبري ده زي ابني بالظبط وهو شطور وقمور ومجتهد أنا بس ف اللقاء كنت حاسه كده بيجامل من ورا قلبه عشان الجمهور ميغلطهوش وفرق أجيال بقى مش بفهم حاجة منه خالص ف تلاقيني مخدتش بالي».

إعلان رامي صبري إنهاء الخلاف مع رامي صبري

وكان أعلن المطرب رامي صبري، إنهاء الخلاف بينه وبين مطرب الراب ويجز، وذلك بعد مبادرة الشاعر تامر حسين في الصلح بينهما.

وكتب رامي صبري، عبر صفحته على موقع التواصل الاجتماعي «الفيس بوك»، قال: «حبيبي تامر حسين الشاعر الكبير العظيم شكرا علي كلامك الجميل اللي زيك، ويجز اخويا الصغير وانا مسامحه وحصل خير».

تامر حسين يوجه رسالة لإنهاء خلاف ويجز ورامي صبري

ونشر تامر حسين، عبر صفحته على موقع التواصل الاجتماعي «الفيس بوك»، قائلا: «شهادتي فيك مجروحة في رامي صبري، أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامي أنت رقم 2 ف الاستماع بعد الهضبة البوم مكانك وفى الصدارة».

تابع: «تصريح مش موفق مِن ويجز رغم أنى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط، إنما الأرقام اللي قالها مش أرقامك ولا الطريقة مُناسبه وأنت الكبير يا روما».

أضاف: «ويجز لو يعرف أنت اول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دى شهادة حق والله».

خلاف ويجز ورامي صبري

ونشب خلاف بين المطرب ويجز ورامي صبري، خلال الأيام الماضية، وذلك بعد تصريحات الأخير، في برنامج «حبر سري» بأنه لا يفهم كلمات أغاني الراب.

وبعدها رد عليه مطرب الراب ويجز، من خلال مقطع فيديو، عبر حسابه على “إنستجرام”، قال خلاله: "الفنان دا اسمه رامي، كل 5 أو 6 شهور لما يزهق يطلع على التليفزيون يتكلم على بتوع الراب، طيب هتتكلم أمتى على البوب اللي أنت منهم؟ هتتكلم على فنك ومجالك أمتى".