أشهر أعمال حمزة نمرة بعد تصدره التريند

تصدر حمزة نمرة التريند على محرك البحث جوجل، واحتفل نمرة بتصدر أغنية «رياح الحياة» تريند يوتيوب الموسيقي، وهي أحدث أغاني ألبومه الجديد «رايق».

ونشر حمزة نمرة أغنية «رياح الحياة»، عبر حسابه الرسمي بموقع التواصل الاجتماعى «فيس بوك»، وعلق قائلا: «أغنية رياح_الحياة تريند رقم واحد في مصر، شكرا من كل قلبي ليكوا لإن إنتوا اللي خليتوا الأغنية رقم واحد».

كما تصدرت أغنية " رايق "، التي طرحها نمرة عبر قناته الخاصة عبر موقع الفيديوهات " يوتيوب "، منذ أسبوعين التريند، وقد بلغ عدد مشاهدتها نحو 3.5 مليون مشاهدة.

وعادة ما تحقق أغاني حمزة نمرة التريند لأنه يقدم موسيقى مختلفة في جميع أغانيه ويعد من أهم مؤلفين الموسيقي أيضا، كما تصدر التريند بأغنية داري وبلغ عدد مشاهدتها 4.5 مليون مشاهدة.

وتأتي كلمات أغنية " رياح الحياة " كالتالي:

تهبي يا رياح الحياة دايما .. بما لا أشتهيه

واللي السنين مقدماه غير .. اللي قولت نفسي فيه

يلاقي قلبي فين دواه .. واللي أذاه أقرب ما ليه دة جرح بيعلم

وصعب تسكن الآلام واخرج من اللي فات سليم .. وصعب لما اروح انام مفضلش اراجع القديم

طلع مكلف العلام .. وخدت درس في الصميم ولسة بتعلم

ركز يا قلبي في اللي جاي والف شكر للي باع .. ما صانش حتى بوق شاي سلام يا 300 وداع

واللي لقانا مايساعوش ف خانة الوداع تساع .. مشاعرنا مش لعبة

ما تتشغلش باللي فات خليك يا قلبي في المفيد .. كبر لاي ذكريات ركز وبس في الجديد

لازم تقسم الخانات بمين قريب ومين بعيد .. الحسبة مش صعبة

فرحت م الساعات ساعات .. ودوقت م الحاجات حاجات

وعشت م السنين سنين .. ونابني م اللي فات فتات

وم الحبيب جواب حزين .. واسئلة بلا اجابات حيرة ورا حيرة

حتى السعادة يوم ويوم حتى المحبة خد وهات .. وكله كوم وكومي كوم زمن بيرمي افيهات

وزي عادتي اصوم اصوم .. واسد جوعي ذكريات وافضها سيرة

اخرتها يا زمن عنيد كله سبق وانا الوحيد .. اللي مشيت وراه سراب واللي بدات من جديد

الكل شاف اللي وراه .. حاسبت انا ع المشاريب لوحدي كالعادة

مش باقي غيري في المكان .. مش باقي حاجة من اللي كان

مش باقي غير وجع زمان .. وهمس ذكرى في الودان

طاوعت حظى لما قال .. اصبر لكل شيء ادان يا حظ ما تادن

يذكر أن نمرة بعد فترة طويلة من النجاح، قرر الخروج عن المألوف ببرنامج "ريمكس"، والذى قدمه في ثلاثة مواسم مختلفة، وفاجأ الجمهور من خلاله، بتوليفة غنائية لم تتكرر من قبل، عن طريقة تقديم الأغاني التراثية لجميع الدول العربية، بأسلوبه وطريقته، وهو ما جعل الجمهور، يطالبه بتقديم هذه النوعية من البرامج باستمرارية من خلال حسابه على مواقع التواصل الاجتماعي فيسبوك و يوتيوب.