سمير كمونة: استاد العاصمة على أعلى مستوى وبيفكرني بملعب «سانتياجو برنابيو»

قال سمير كمونة لاعب الأهلي ومنتخب مصر السابق، إن قدرة مصر على أنهم يجيبوا الفرق هنا ويعملوا البطولة بعد اعتذار الإمارات، جعلت منها تجربة مفيدة ومشرفة، ودي حاجة كويسة وتحسب للبلد على سرعة الاستجابة.

 وتابع كمونة في تصريحات خاصة لـ«الجمهور»: الحقيقة يمكن الاستاد ده من الروائع اللي اتعملت هنا بصراحة يعني استاد رائع مساحته كبيرة 90 ألفا أو 100 ألف متفرج.

وأضاف: شايف إن هو من من الاستادات اللي اتعملت في مصر اللي هي لها شكلي جمالي رائع، وعلى أعلى مستوى كمان أرضية الملعب يعني بيفكرني باستاد سانتياجو بتاع ريال مدريد.

وواصل لاعب الأهلي السابق: نتمنى له التوفيق إن شاء الله. البدايات تملي بتبقى صعبة لكن  مستوى الفرقة في المتناول. ونقدر ان احنا نعمل ماتش كويس ومنتخب مصر طبعا لما بيلعب بطولة ودية او بطولة مجمعة بيظهر بشكل كويس والعناصر اللي موجودة والاختيارات ربنا يوفقهم ان شاء الله وبالتوفيق لحسام حسن في اول مباراة له نتمنى له التوفيق.

وأنهى: حسام حسن عايز يعمل جيل جديد من الشباب. مع العناصر الخبرة اللي موجودة فبيعمل ميكس بين الشباب والخبرات.

ويستعد منتخب مصر الأول لكرة القدم لمواجهة نظيره نيوزيلندا، في اللقاء الذي سيجمع الفريقين مساء اليوم الجمعة، في المباراة الافتتاحية لبطولة كأس العاصمة الإدارية.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.