فيفي عبده تكشف عن وصية لأولادها حال موتها

كشفت النجمة فيفي عبده، عن وصية أخبرتها لأبنائها حال وفاتها، خلال حوار ببرنامج "حبر سري"، مع الإعلامية أسما إبراهيم، على قناة القاهرة والناس.

قائلة: "قلت لأولادي لو مت سيبوني يومين بره تتأكدوا أني مت فعلا وممكن يكون في غيبوبة سكر وفي قصص كتير متداولة على السوشيال ميديا"، مؤكدة أنها تحب الحياة كثيرا لأنها لم ترها.

وأضافت فيفي عبده، أنها دائما ما تدعي الله بطولة العمر مع الصحة، متابعة: "كل يوم أدعي ربنا طول في عمري شوية عشان مشوفتش الدنيا وأنا مبسوطة وأنا قاعدة وبشوف الدنيا وعايزة طولة العمر مع الصحة".

واستكملت: "الصحة تاج على الرؤوس بعد ما مريت بتجربة مرض والمرض بيخوف وغدار، وأهم حاجة ادعي ربنا ياخدني وأنا ماشية على رجلي لكن بحب الحياة وبحبها لأني مشوفتهاش وأنا طول عمري بجري واشتغل ومشوفتش حاجة وكنت شقيانه ومشفتش في بلدي حاجات كتير".

فيفي عبده في حبر سري 

كشفت الفنانة فيفي عبده، تصريح خطير عن حياتها الشخصية، قائلة: «روحت فتحت التربة بتاعتي، كله بيفلسع ولازم أفكر في تحضير التربة ليا، والناس ماتت أيام كورونا كتير، وأول خروجة خرجتها رجعت وأنا درجة حرارتي 39، والسنتين اللي قعدتهم بعدها مجليش حاجة، ومرة تانية طلعت جالي سخونية وحرارتي كانت 39 ونص».
 

وعندما وجهت اسما إبراهيم سؤال لـ فيفي عبده، وهو هل من الممكن أن تعيش مع الأموات، لترد عليها: «الإنسان مهما يلف الموت لابد منه، واللي ورقته تقع من الشجرة ويجي عليه الدور، خلاص ».

وتابعت :«بتابع التربة بتاعتي وكل فترة بشوفها، واتأكد منها وأشوف أنا هنام فين وإزاي، وأنا كفني كل سنة بشتريه من السعودية وأخليه معاي، وبعد كده تتصدق بيه، ومكتبش وصية وسيباها على الله».

وأردفت: «أنا مع أي حد يموت يصرف كل مليم معاه وميسيبشي ولا أي تعريفة، يصرف لآخر مليم في جيبه، خليها على الله، القرش احنا اللي بنجيبه، المهم صحتنا».

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.