كواليس رفض أحمد زكى مشاركة لبلبة في «ضد الحكومة» وإصرار عاطف الطيب

كشفت النجمة لبلبة عن عدد من تفاصيل حياتها الشخصية، وكواليس مشاركتها الفنية، خلال حلولها ضيفة على برنامج يلا نحكي، مع الإعلامية جومانا بو عيد.

وتحدثت لبلبة عن النجم الراحل أحمد زكي، ومشاركتها معه في فيلم ضد الحكومة، موضحة أن مخرج العمل راهن على أحمد زكي، قائلة: «انطلاقتي كانت من فيلم ضد الحكومة مع أحمد زكي، والراحل عاطف الطيب، ومن حسن حظي أن عاطف الطيب بيحب يطلع النجوم اللي معروفين ويغير الأدوار، وشافني في مهرجان كان وأنا معرفوش كويس، فكنا في مناسبة وكان بيبص لي بتركيز، وبعد أقل من شهرين جيت مصر والمنتج سعد شنب كلمني وقالي في دور مرشحك فيه المخرج عاطف الطيب مع أحمد زكي، ولما قرأت الدور خوفت وكنت بقول فيه كلام جرئ جدًا، وأحمد زكي لما عرف إني هعمل دور المحامية قال له على عيني وراسي بس لبلبة هتعمل الدور ده؟ عاطف الطيب قاله هتشوف، وكأنه متأكد وكسب الرهان».

وتابعت: «فيلم ضد الحكومة كان أول عمل يجمعني بـ أحمد زكي، وكنا بنصور في المحكمة وفيه أكتر من 100 كومبارس موجودين وشغل صعب، وطلب مني أستاذ عاطف في جملة معينة إن عيني تدمع والدمعة متنزلش، والدمعة تنزل في جملة تانية معينة، وقولت يا رب ساعدني إزاي هعمل كدا يمكن الدمعة تنزل مني غصب عني، وده كان مشهد صعب جدًا، وعملته من أول مرة ووافقوا عليه ولكن أستاذ عاطف مقالش برافو هايلة.وسألت أحمد قولت له: هو أنا كنت كويسة؟، قالي أنت مشوفتيش عملتي إيه؟، أنتي عملتي مشهد عبقري».

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الأقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.