رامي صبري يطرح 3 أغان من ألبومه الجديد «النهايات أخلاق»

طرح الفنان رامي صبري، أول أعمال ألبومه الغنائي الجديد «النهايات أخلاق»، منذ قليل، عبر قناته الرسمية على موقع الفيديوهات الشهير «يوتيوب».

وكان رامي صبري قد روج للعمل، مؤكدًا طرحه فور الانتهاء من عمليات التسجيل والتحضيرات النهائية، بالتزامن مع موسم رأس السنة.

ونشر رامي صبري 3 أغان، الأولى تحمل اسم النهايات أخلاق، وهي الأغنية الأساسية للألبوم، من كلمات أحمد جابر، وألحان محمد شحاتة وتوزيع مكس ماستر وسام عبد المنعم، وجيتار شريف فهمي، ووتريات تامر غنيم.

والثانية هي أغنية «بين الحيطان» من كلمات عمرو المصري وألحان وتوزيع ومكس وماستر عمرو الخضري وجيتار مصطفى نصر.

كما طرح أغنية «حلفتك بالليالي» وهي من كلمات عمرو المصري ومن ألحان عمرو الشاذلي وتوزيع مكس ماستر عمرو الخضري وتشيلو إيهاب سمير وجيتار مصطفى نصر.

رامي صبري يرد على الانتقادات للفنانين بسبب غزة

وقال رامي صبري خلال بث مباشر له عبر حسابه الرسمي بموقع إنستجرام، عن نقد الفنانين خلال الفترة الماضية بسبب أحداث غزة: «الكومنتات اللي بتقول أنت بتغني إزاي وفلسطين بتتضرب، يعني إحنا مش هنفضل قاعدين بناكل وبنشرب وبننام، فهي بس الناس اللي بتكتب الكومنتات دي مش فاهم بتكتبها على أساس إيه؟، ده شغلنا ودي عقود كاتبنها، ومنقدرش إننا منشتغلهاش.
وأضاف رامي صبري: مش ببقى فاهم أوي الناس اللي مش عايزانا نغني ونشتغل، وبزعل لما بلاقي الناس بتفكر كدة لكن معنديش حاجة أعملها، فلسطين على فكرة بتتضرب من قبل ما إحنا نيجي الدنيا، وإحنا هنعمل إيه، بنعمل اللي علينا وممكن مثلا نغني لفلسطين وندفع فلوس وكل حاجة عشان نتضامن، لكن نوقف شغلنا».
واستكمل رامي صبري، قائلاً: بكبر دماغي، والناس اللي بتقول بتشتغل ليه يا فنان وفلسطين بتموت، ما فلسطين طول عمرها بتموت، مش فلسطين بس لا كل البلاد زي البوسنة، فنموت إحنا كمان عشان نبقى كويسين من وجهة نظركوا؟ مش هو ده التضامن، ما أنا ممكن أعمل حفلة وأتبرع بيها لفلسطين.