منة فضالي تتعرض لعملية نصب في إسطنبول.. فيديو

تعرضت الفنانة منة فضالي، لعملية نصب من قبل شخص لديه شركة خاصة لتأجير السيارات فى مدينة إسطنبول، وحرصت على تحذير جمهورها من التعرض لمثل هذه العمليات.

ونشرت منة فضالي منشورا من خلال حسابها الشخصي على موقع تبادل الصور والفيديوهات «إنستجرام»، به صورة للشخص صاحب واقعة النصب عليها وعلقت عليه قائلة: «يا جماعة الراجل ده ناصب عليا اخد 2400 دورلار، عند شركة تأجير سيارات في إسطنبول، ورافض يرجعلي فلوسي خلو بالكم».

وقالت منة فضالى فى مقطع  فيديو : «صباح الخير، ياجماعة أنا داخلة علشان أوضح لكم الموضوع، أنا الراجل ده اتعاملت معاه قبل كدة السنة اللي فاتت، وكان شخص كويس جدًا، السنة دي طلب فلوس مقدم، ووافقت ودفعتله الفلوس على مدة 18 يوم في اسطنبول».

وتابعت منة فضالي: «بعد ما جابلي سواق وكانت طريقته وحشة مع والدتي، ووالدتي ست عاجزة مش بتتحرك، ومحتاجة حد يساعدها طول الوقت واشتكيت ليه السواق وطلبت منه أكتر من مرة يغيره وهو بيرفض، وقالى ده اللي موجود وأنا مش فاضي وعندي شغل، قلتله خلاص أنا مش عايزة العربية».

واستكملت: «أنا خدت منك العربية لمدة أسبوع خد فلوسها وهات باقي فلوسي، رفض وبقاله 3 أيام بيتلاعب بيا بمبررات كتير، وأنا عملت شكوى ضده ومكنوش عارفين يجيبوه».

واختتمت منة فضالي برسالة تحذير، حيث قالت: «هي الفلوس راحت بس أنا بقول حسبي الله ونعم الوكيل فيه يارب ويتقلب ضده كل قرش أخده مني، أنا مش بحب حد يتأذي علشان كده داخله أقول لكل اللي بيتعامل معاه خلي بالك».