محمد رمضان: «مبسوط بفيديوهات لشباب مصري شبهي.. المصري ليه 40 شبهه»

نشر الفنان محمد رمضان فيديو، يعبر فيه عن سعادته بتشبيه بعض الشباب المصري به، من حيث شكله وطباعه.

وقال رمضان في الفيديو، عبر إنستجرام من خلال خاصية أستوري: “طبعًا ببقى مبسوط أوي فيديوهات لناس شبهي، سواء هما اللي بيبعتوها لي أو أصحابهم يبعتوا لي ويقولي لي فلان صاحبنا شبهك بالضبط، وبنشوفك فيه ببقي مبسوط طبعًا”.

ومازح الفنان محمد رمضان متابعيه قائلًا: “متهيألي المصري هتلاقي 40 واحد شبهه، المواطن السعودي هتلاقي فيه 40 واحد شبهه، العراقي الفرنسي الألماني هتلاقي فيه 40 واحد شبهه بيقولوا كده، متهيألي في كوريا بس اللي ممكن يكون المواطن الكوري فيه 40 واحد في بلده بس اللي مش شبهه، بقية كوريا بتبقي شبهه، واليابان والصين برضه، يعني ساعات بقعد أفكر إن في كوريا ممكن الأم تنسى وتتلخبط وتحمي ابنها مرتين بدل ما تحميه هو وأخوه، مش عارف هو الموضوع عندهم إزاي بس خير”.

وفي السياق، رد الفنان محمد رمضان على تصريحات المخرجة كاملة أبو ذكري، بشأن رغبتها في التعاون معه في عمل فني.

وكشفت المخرجة كاملة أبو ذكري خلال لقائها في برنامج حبر سري الذي تقدمه الإعلامية أسما إبراهيم، والمُذاع عبر قناة القاهرة والناس، عن رغبتها في التعاون مع الفنان محمد رمضان في عمل فني.

وقالت كاملة أبو ذكري عبر حبر سري: “أحب اشتغل مع محمد رمضان طبعًا، محمد رمضان ممثل كبير يعني، أنا قعدت معاه مرة حسيت إن فيه بينا كيميا، حسيت إننا مش تقال على بعض، لا أنا تقيلة عليه ولا هو تقيل عليا، أنا حبيته جدًا لما قعدت معاه، أتمنى اشتغل مع محمد رمضان جدًا”.

ليرد محمد رمضان عبر حسابه الرسمي على موقع تبادل الصور والفيديوهات “إنستجرام” قائلًا: “كاملة حبيبتي، أنا كمان يسعدني ويشرفني اشتغل مع أهم مخرجة في مصر”.