ناردين فرج تكشف تفاصيل دخولها المجال الإذاعي

تحدثت الإعلامية والفنانة ناردين فرج، عن كواليس دخولها مجال العمل الإذاعي، وأوضحت أنها تخرجت من كلية التجارة بجامعة الإسكندرية، وتزوجت وانتقلت للقاهرة.

وكشفت خلال لقائها ببرنامج «معكم منى الشاذلي»، على قناة ON، إنها كانت دائما ما تستمع للإذاعة وتتمنى لو تصبح مذيعة، فقررت دخول المجال، وتواصلت مع مسئول بالإذاعة حينها، كان صديقاً للعائلة، وطلبت منه أن تخضع لاختبار، ويروا إن كانت مناسبة أم لا.

وتابعت خلال تصريحاتها: «قلت له أنا عاوزة أجرب، اعملي اختبار وشوف لو هنفع.. ولما عملت الاختبار كان ساعتها أحمد يونس هو اللي في الراديو، وبالصدفة كان يونس مقررة ياخد فترة ميشتغلش فيها.. فأخدوني بسرعة جدا مكانه».
وواصلت ناردين فرج: «قالوا لي هو قدامه شهر وهيمشي فلازم يعلمك خلال الفترة دي عشان تبدأي على طول، فقعدت شهر بحاله جنب أحمد يونس بتفرج عليه ومكنش بيكلمني خالص.. لحد ما في يوم قالي اقعدي على الميكسر أنا رايح مشوار ربع ساعة وجاي، وكان برنامج هوا، قلت له ازاي لوحدي؟ قالي اشتغلي أنا ماشي.. فطبقت اللي شوفته بيعمله والدنيا مشيت».