لماذا اعتذرت رانيا فريد شوقي إلى شقيقتها ناهد في أول رسالة بعد الرحيل

وجهت الفنانة رانيا فريد شوقي، رسالة إلى شقيقتها المنتجة الراحلة ناهد فريد شوقي، التي رحلت عن عالمنا، يوم الثلاثاء الماضي، أكدت فيها أن لم تتخيل فقدنها فأي وقت من الأوقات.

ونشرت رانيا ، صورة لها مع شقيقتها الراحلة عبر حسابها الشخصي بموقع تبادل الصور والفيديوهات «إنستجرام» معلقة: «للأسف بنتعود على الأحباب في حياتنا، كأنهم خالدين في الدنيا، زي ما نتعةد على النعم كأنها مستمرة إلى الأبد، وده من عيوب البشر، أختي الحبيبة الغالية ناهد أنا بعتذر لك لأني اعتدت في حياتي، يمكن خيالي كان أضعف من إني أتصور فراقك».

وأضافت: «يمكن خدتنا مشاحنات الدنيا وربنا نور بصيرتنا، ورجعنا لحضن بعض والحب اللي اتربينا عليه، وحبنا لـ بابا كان دايمًا بيجمعنا، يمكن لأني نسيت إننا بنكبر كلنا، يمكن لأني جيت الدنيا لقيتك أختي الكبيرة القوية العنيدة، اللي ماتعرفش حاجة اسمها استسلام وإرادتها من حديد».

تابعت رانيا فريد شوقي قائلة : «قوتك كانت بطمني عليكي أنا مش عارفة أنا بكتب إيه بس اللي حساه أكبر بكتير من أي كلام، مازلت مش مستوعبة ولما حد بيقول الله يرحمها بتخض».

واختتمت: «في الفترة الأخيرة كنت بشوف فيكي بابا، بكل حركاته وطريقة كلامه ونظراته وهزارك، وقُلت للأحفاد اللي ماشفوش جدهم، ناهد بقت نسخة من جدكم لما تشفوها كأنكم شفتوه سبحان الله، والغريب أني من الشخصيات اللي بتخاف تدخل على حد متوفي، لأنه بيبقي آخر انطباع بيفضل في الذاكرة، عن الشخص لكن لما دخلت وشوفت وشك مبتسمه كأنك نايمة، وبتحلمي حلم جميل، حسيت إنك شوفتي فريد ابنك بيستقبلك، وخدك لحبايبك، بابا وطنط هدى ومها أختنا، ده تفسيري لابتسامتك الهادية الجميلة الواضحة أوي، اللي هونت علينا كلنا فراقك، واللي مش هتفارقني اللي باقي من عمري».