إيساف: حياتي مطب صناعي وشوفت الموت بعنيه

أكد الفنان إيساف، أن حياته ليس تقليدية على الإطلاق، بل إنه مر بتخبطات عديدة، وتعرض للكثير من الأزمات، بالإضافة إلى تعرضه لأكثر من حادث سير على فترات مختلفة من حياته.

وقال إيساف خلال حواره مع الجمهور: «حياتي مش ماشية بشكل تقليدي خالص.. دايمًا فيها أحداث وبيحصلي مشاكل كتيرة، ولازم أي مكان أروحه يحصل معايا حاجة أفضل فكرها طول العمر.. وأكتر عنوان مناسب لحياتي هو مطب صناعي».

وأوضح، أنه تعرض للعديد من الحوادث بسبب عشقه الكبير للموتوسيكلات، قائلًا: «بحب الموتوسيكلات جدًا من 3 إعدادي وبركبها من صغري، ودايمًا بعمل حوادث موت وواخد غرز كتيرة بسبب الموضوع ده».

وأضاف: «وبعد ما أعمل حادثة وأدخل المستشفى وأطلع أجيب موتسيكل تاني وادغدغه بردو.. وأهلي كانوا يقولولي هتموت حرام عليك.. ولو خيروني بين العربية والموتوسيكل هختار الاتنين»، كاشفًا نوع سيارته وهي ماركة «ميني كوبر».

آخر أعمال إيساف

من ناحية أخرى، تعتبر أغنية «عشان راجل» آخر الأعمال الغنائية للفنان إيساف، والتي طرحها مؤخرًا عبر قناته الخاصة بموقع الفيديوهات يوتيوب.

أغنية «عشان راجل» من كلمات أحمد عادل توفيق، وألحان أحمد البرازيلي، توزيع موسيقي محمود صبري.

وتقول كلمات الأغنية: «عشان راجل.. عشان أفضل كبير حتى في نظر نفسي.. سيبها تقول في حقي كتير.. وما بدافعش عن نفسي.. عشان لما يجيبوا سيرتي قلبها يحزن .. بقول بكرا الحقيقة تبان وخليني أنا الأحسن ..عشان مليون عشان وعشان .. عشان عشرتنا حتى زمان .. رضيت إني أبان خاين.. وما رضيتش أقول متخان.. أنا أقدر أقول أكتر.. وأعيبك بكلام كتير فيها.. لكن بعمل حساب لسنين معملتش حساب ليها».