حورية فرغلى تكشف تفاصيل عودتها للسينما بعد غياب 4 سنوات

كشفت الفنانة حورية فرغلي، تفاصيل مشاركتها بفيلم «ديجافو»، وذلك بعد فترة غياب عن شاشات السينما استمرت لمدة 4 سنوات.

ونشرت حورية فرغلي فيديو من خلال حسابها الرسمي بموقع تبادل الصور والفيديوهات القصيرة «إنستجرام»، وقالت خلاله: «أنا طالعة مخصوص عشان اقولكوا أحلى خبر، الحمد لله أنا لسه ماضية فيلم ديجافو، مع المخرج عيد العربي، يمكن تستغربوا اشمعنا دلوقتي، لأن بصراحة كان معروض عليا حاجات كتيرة بس ملقتش حاجة جديدة فيهم، أنا عملت أدوار كتير، بس معملتش الدور ده قبل كده ويعتبر من أصعب الأدوار اللي ممكن أعملها في حياتي».

حورية فرغلي تتبرع لأهالي غزة

وفي سياق آخر، نشرت الفنانة حورية فيديو لها وجهت فيه رسالة لأهل فلسطين مؤخرًا، قائلة: «أنا بعمل الفيديو ده تضامن مع شعب فلسطين الحبيب وقلبي كله حزن و بيتقطع من اللي أنا بشوفه، ويا رب فك كربهم وينصر أهلنا في فلسطين، الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة».

وتابعت «حورية»: «أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزجنا إحنا».

واختتمت حورية فرغلي: «بصراحة أنا حزينة جدًا جدًا وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي».