بدرية طلبة ترد على منتقديها: مش محتاجة أطبل دي بلدي

ردت النجمة بدرية طلبة على جمهورها الذي انتقدها بشدة ، لنشرها محادثة مع إحدى القنوات الإسرائيلية لحضورها حفل اليوم الوطني الإسرائيلي.

وقالت بدرية طلبة في بث مباشر ظهرت خلاله عبر حسابها الرسمي على موقع التواصل الإجتماعي «انستجرام»، توضح فيه ما حدث، حيث قالت: «مش هطلع في مدخلة مع حد ولا هرد على حد، وبالنسبة للمشككين هوضح الموضوع يمكن الشات مش مبين حاجة، أنا فجأة لقيت رقم بيكلمني معرفتش الرقم ده منين لقيت واحدة بتقولي عايزني في حفلة، ورديت باللي يرضي ضميري مش محتاجة إني أطبل دي بلدي".

وتابعت بدرية طلبة: غلط إني انزل شات، لأني بسافر دول وممكن يكون جنبي واحد إسرائيلي، وبيتطاولوا على أنغام وبتهاجموا أنغام على إيه.. أنتوا عار عليكم تكلموا فنانة مصرية والفنانة تديكم فوق دماغكم". 

واستكملت حديثها قائلة: اللي بيشكك في كلامي ده واطي.. أنا لا محمد صلاح ولا محمد رمضان اللي بقوا عالميين.. وأنغام أستاذة حتي لو أصغر مني سنًا.

واختتمت «طلبة»: اللي دخلوا استخفوا عملتلهم بلوك.. ولما باسم يوسف طلع ظبطهم كنا فرحانين ومبسوطين، واللي يقدر على حاجة يعملها.. أنا عرضت نفسي للخطر.

بدرية طلبة تعلن تلقيها رسالة تهديد

وفي سياق آخر، كانت بدرية طلبة كشفت عن رسالة تهديد تلقتها في شهر مارس الماضي من قِبل إسرائيل، حيث تلقت دعوة لحضور اليوم الوطني الإسرائيلي 25 أبريل الماضي من إحدى قنوات تل أبيب من مذيعة، ونشرت الرسالة التي تلقتها لحضور الدعوة في إسرائيل شاملة السفر والإقامة، وأجر يصل إلى نحو مليون جنيه.