بسمة وهبة: «هعلن عن كارثة هتعملها إسرائيل قريب»

نشرت الإعلامية بسمة وهبه فيديو عبر حسابها الرسمي، على موقع تبادل الصور والفيديوهات «إنستجرام»، من خلال خاصية استوري تشوق جمهورها بكشف كارثة عن الاحتلال الإسرائيلي.

وعلقت بسمة وهبه متسائلة، عن اللغة التي تنطق بها لكشف هذه الكارثة قائلة: «فيه مصيبة النهاردة هعلن عنها، في برنامجي 90 دقيقة على قناة المحور، وكارثة سودة منيلة بنيلة، هطلع أقولها النهاردة وأجرى على الله، بس عايزة أسألك سؤال مهم أوي، أقولها بالعربي ولا بالعبري، إيه رأيكم، هستنى رأيكم».

وتابعت بسمة وهبه قائلة: «أقولها بالعبري عشان يعرفوا اننا كشفناهم؟، ولا أقولها بالمصري واحنا بس اللي نسمعها، تحبوا إيه حضراتكم؟، أنا بتكلم بجد، أنا طالعة أقول مصيبة النهاردة».

رسالة بسمة وهبة العبرية

جدير بالذكر أن الإعلامية بسمة وهبه وجهت رسالة للصهاينة باللغة العبرية من خلال برنامجها 90 دقيقة الذي يُذاع على قناة المحور.

وقالت بسمة وهبه في رسالتها: «إيه اللى مضايقكم، ما كل واحد يبص في ورقته، اللي غيران مننا يعمل زينا، أنا وصلت لكل المنصات اللي في إسرائيل، مضايقين من كده عشان كده عاملين لجان.. سخافة مشوفتش أكتر من كدة سخافة وحقد وغيرة، موتوا بغيظكم».

ووجهت بسمة نصيحة إلى كل من ينتقدها بالتركيز أكثر على مذابح غزة، معلقة: «فاضيين أوي ورايقين أوي، ونسينا أهلنا في فلسطين، بجد فاضيين وحقودين ومنفسنين، حاولوا تركزوا في مذابح غزة بدل ما تركزوا في لغتى، وأنها لازم تكون متقنة، لا بجد شاطرين انثوا أوي أجندة رسمي بس طظ فيكم وهستمر ولا يفرق».