بعد طلبها الدعاء، ألفت عمر تكشف تطورات الحالة الصحية لوالدها

كشفت الفنانة ألفت عمر، عن تطورات الحالة الصحية لوالدها، بعد دخوله المستشفى وارتفاع نسبة ثاني أكسيد الكربون في الدم.

ألفت عمر تطالب جمهورها بالدعاء لوالدها

ونشرت ألفت عمر، عبر صفحتها على موقع التواصل الاجتماعي «الفيس بوك»، قائلة:«امبارح طلبت دعواتكم انهارده حبيت اقولكم الدعوات جابت نتيجه وثانى أكسيد الكربون نزل معدله في الدم كان 120 وده خطر جدا جدا دلوقتى بقا 80 لسه في خطوره على حياته».

ووجهت ألفت عمر رسالة شكر للجمهورها قائلة: «شكرًا من قلبى لكل حد دعى له دعواتكم هي السبب ربنا قال خدوا بالاسباب والدعاء بيغير القدر الحمدلله في تحسن ضعيف بس لسه في امل، ارجوكم كملوا الدعاء ارجوكم ادعوا كمان وكمان».

وكانت ألفت عمر، ظهرت في لايف على صفحتها على الفيس بوك» وقالت: «أنا أول مرة أطلع لايف وأتكلم عن حياتي الشخصية، وبطلب من كل الناس اللي تعرفني واللي ما تعرفنيش، بطلب الدعاء منهم، بابا حالته صعبة، عايزه منكم تدعوا له، هو في حالة حرجة، وهو على جهاز التنفس الصناعي، وهو في مرحلة حرجة جدًا، وهتاخد وقت، وعايزه الدعاء، وبطلب منكم الدعاء له، عايزه أكبر عدد ممكن يدعوا له، وأي حد يعرفني؛ يا ريت يدعوا لوالدي الذي علمني كل حاجة حلوة، قلبه كبير والخير كله عنده».

وأضافت: «أنا عمري ما طلبت من حد حاجة، لكن بطلب منكم الدعاء له، مش عشان والدي؛ لكن والدي قلبه كبير، وبيحب الخير للناس كلها».