عارف انك هتسمعني..رسالة مؤثرة من ابن الفنان أشرف مصيلحي

عبر يوسف أشرف مصيلحي عن شعوره بالحزن الشديد لفراق والده، ووجه رسالة وداع مؤثرة له عبر حسابه علي موقع التواصل الإجتماعي «إنستجرام».

وكتب ابن أشرف مصيلحي: الله يرحمك يا أطيب وأجدع وأحن أب في الدنيا، و كان نفسي تكون موجود وشايف حب الناس وروحك الحلوة الموجودة في كل حد فينا، وتشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر و لو مرة واحدة انت عملت حاجة ضايقتني أو حتى شدينا مع بعض زي أي أب وابنه، وده عشان احنا كنا صحاب وكنت بتفهمني وعارف دماغي، وأنا عارف إنك دلوقتي مرتاح أكتر بكتير وأكيد مبسوط وأنت شايفنا كلنا متجمعين، وحاسس أكيد بحب كل اللي كانو موجودين اليومين دول، و هيفضلوا موجودين على طول، و دلوقتي أنا هعرف اتكلم معاك، وعارف إنك هتسمعني يمكن أكتر من آخر فترة كنت موجود وسطنا عشان كنت تعبان فمش بعرف أتكلم معاك، بس أنا عايزك تعرف إني بحبك اوي، وهفضل شايل اسمك وأنا فخور إنك أبويا لحد لما أجيلك ان شاءالله، بجد بحبك أوي يا بابا و عارف إنك أكيد في الجنة ان شاءالله.

رسالة ابن اشرف مصيلحي

عزاء أشرف مصيلحى

وكانت المخرجة منال الصيفي دخلت في حالة إنهيار فور انتهاء عزاء زوجها الفنان أشرف مصيلحي، وتعرضت للإغماء فور خروجها من قاعة العزاء، وتزاحم الحضور حولها لإفاقتها.

وتوافد الفنانيين إلى العزاء، حيث حرص الفنان أمير كرارة على حضور العزاء، إضافة إلي تواجد الفنان صلاح عبدالله، محمد هنيدي، احمد سلامة ، محمد التاجي، روجينا، أشرف ذكي، أمير شاهين وزوجته، أحمد كرارة ، إيمي سالم ، صفاء جلال، إياد نصار، رشا مهدي، علا رشدي، إيهاب فهمي.