ريهام عياد: متبدأوش في صناعة المحتوى.. وكفاية كده إحنا بقينا كتير

أعربت الإعلامية ريهام عياد، عن استيائها الشديد من كثرة عدد صناع المحتوى على مواقع التواصل الاجتماعي واتجاههم إلى الموضوعات غير الهادفة، بالإضافة إلى تقليد البعض لمحتوى برنامجها.

وقالت «عياد» في تصريحات خاصة لـ «الجمهور»، إنها تعرضت لسرقة محتواها الذي تقدمه خلال برنامجها «القصة وما فيها»، قائلة: «ما تبدأوش.. كفاية كده بقينا كتير أوي.. أنا بقيت بتقلد لدرجة مستفزة.. وفيه حد على السوشيال ميديا بيسرق الأسكريبتات بتاعتي وبيعمل عليها فيديوهات الذكاء الاصطناعي».

سرقة محتوى ريهام عياد

ووجهت نصيحة إلى كل من يرغب في بداية أول خطوة في طريق صناعة المحتوى، قائلة: «لو أنت هتبدأ كده فياريت متبدأش.. وفيه بنت بتقلدني وبتقعد على نفس الكرسي وتعمل نفس الحركات».

وأكدت ريهام أن كواليس برنامجها من أصعب الأشياء، لأنه يمر بمراحل عديدة، قائلًا: «أصعب حاجة في الدنيا كواليس القصة وما فيها لأن البرنامج بيمر بمراحل كتيرة جدًا من بداية اختيار الموضوع، وكتابة الاسكربت والمراجعة والمونتاج وكذا خطوة بيعدي بيها الأسكريبت الواحد وبتبقى مرهقة وشاقة جدًا.. والحمد لله إن الناس شايفة ده، وبتتفرج وهي عارفة إن البرنامج متعوب عليه».