رد فعل شريف منير على منتقدي ابنته: اللوك اللي عملته عاجبني

آثار ظهور أسما شريف منير في مهرجان القاهرة للدراما بعد حلاقة شعرها بالكامل، في فيديو لايف عبر حسابها على «إنستجرام»، جدلا واسعا بين رواد مواقع التواصل الاجتماعي، ولقي سخرية العديد من المتابعين وغضب الأخرين ودعم البعض، وادعاء البعض أن هذا الأمر يعود لسبب إصابتها بمرض بالغدة الدرقية.

وكان لوالدها الفنان شريف منير رد فعل مفاجئ للجمهور، في بث مباشر عبر «إنستجرام» مدافعا عن ابنته ضد موجة الانتقادات والسخرية المنتشرة وعلق قائلا: «إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم، دي بنتي اللي ماليش غيرها وبحبها».

وتابع شريف منير تعليقا على إعجابه بشكلها: «بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد».

وأردف ردا على التعليقات السلبية: «قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش، بـ 3 تعريفة أو بربع جنيه تربية، لا أنا بنتي متربية كويس جدًا.

سبب حلاقتها لشعرها

يذكر أن الفنانة أسما شريف منير قد أعلنت أنها قامت بعمل حلاقة شعرها بسبب أنها ذهبت لتصفيف شعرها ووجدت حروق شديدة بشعرها، فقررت إزالته لينمو من جديد بشكل أفضل، وليس لأي سبب أخر، ورأت أنها خطوة جريئة وغير متوقعة.

وعن الفيديو قالت، إنها صورت الفيديو لتحتفظ به لنفسها وليس لتقوم بنشره لكنها شعرت بالرغبة في نشره لذلك فعلت هذا، وقالت إن نشر الفيديو جاء بعد منتصف الليل وهذا يؤكد عدم سعيها لتحقيق تريند، ولكنها كانت قلقة من رد فعل أبيها.