إمام مسجد الحسين: اعمل بضمير وإتقان وسيزيد الله رزقك (فيديو)

قال الدكتور مصطفى عبد السلام، إمام مسجد الحسين، رضى الله عنه، إن البركة عنصر مهم يتوافر في حال أداء العمل بضمير والرضا بما قسمه الله للعبد، مضيفا: «حاجة اسمها البركة، يعني هو مش عنده أهم حاجة يزود فلوس، ده هو بيقول: يا جماعة، الفلوس اللي معايا دي أنا راضي بيها، بس ازاي ربنا سبحانه وتعالى يبارك لي فيها؟».

كيف تزيد البركة في أموالك؟

وأضاف إمام مسجد الحسين، رضى الله عنه، خلال حوار مع الإعلامية مروة شتلة، ببرنامج «البيت»، المذاع على فضائية «الناس»، اليوم الأربعاء: «حاجة واحدة بس، تزود البركة، وهي إنك تأدي عملك بضمير، أدي عملك بإتقان، مثلاً الوظيفة اللي حضرتك فيها، اشتغل بما يرضي الله سبحانه وتعالى، وبما يرضي رسوله، أد عملك على أكمل وجه، اللي هيجيلك من الشغلانة دي، مبارك لك فيه بفضل الله سبحانه وتعالى».

قصة العامل والإمام الشافعي

وتابع: «ما دام إنت بتأدي عملك صح، يعني الفلوس دي مش جاية كده هباء منثوراً، مش جاية كده من أي طريق، كان في حد قال لسيدنا الإمام الشافعي نفس السؤال، قال له: يا إمام، المرتب بتاعي مش مقضيني، أعمل إيه؟، قال له: «روح لصاحب الشغل، اه خليه ينقصك درهم»، هو كان بياخد سبع دراهم، فراح لصاحب الشغل، قال له: «والله إنا عايز المرتب بتاعي ستة بدل سبعة»، الشهر اللي بعده، الستة ما قضت. فراح لمولانا الإمام، قال له: «المرتب نزلته بدل سبع دراهم، ست دراهم»، «خلاص روح لصاحب الشغل، قول له يخلي المرتب بتاعك خمس دراهم»، قال له صاحب الشغل: «أنا عايز خمس دراهم بس، مش عايز لا سبعة ولا ستة، قضته خمس دراهم»، الراجل تعجب، راح لسيدنا الإمام الشافعي، قال له: «السبع دراهم ما قضتنيش، ولا الست دراهم، الخمس دراهم، مرتبي دلوقتي بعد ما نزل من سبعة لخمسة بقى، يقضيني إيه الموضوع؟» قال له: «أصل عملك ما كانش يستحق المبلغ ده إلا خمس دراهم بس، فلما خدت الأجر المستحق ليك، بارك الله سبحانه وتعالى لك في رزقك».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.