المهم الإنسان وليس الشكل، نصيحة فريدة الشوباشي للمرأة في اختيار الزوج

فريدة الشوباشي، حلت الكاتبة والصحفية ضيفة على برنامج "أم العروسة مع شيرين قباني" المذاع على شاشة قناة الحدث.

وكشفت فريدة الشوباشي خلال اللقاء عن كونها كامرأة وزوجه سياسية، وقالت: «شغلى في السياسة لم يؤثر على بيتي لأني متزوجة من رجل سياسي وهو على الشوباشي، وأنا كنت سياسية بالفطرة وبحب احكيله لما بنزل المظاهرات، وكنت صغيرة ومندفعة».
وتابعت فريدة الشوباشي في حوارها عن حقوق المرأة وقالت: «المرأة حقوقها ربنا اللي بيجيبهالها وقال في كتابه خلق الإنسان مقلش الرجل ولا المرأة، وربنا ميز المرأة بوجود الرحم، هل كان هيبقا في رسول لو لم تلده امرأة».

وكشفت فريدة الشوباشي لأول مرة عن كواليس اعتناقها الإسلام وسر حبها الشديد لزوجها وقالت: «أنا مش ضد الدين أنا حبيت على الشوباشي لأن كنا بنشتغل سوا هو كان زي القمر وكل البنات بيحبوه، وقولت مستحيل ياخد باله مني، وفي الوقت دا كنا بنتكلم وحسيت إنه مهتم بيا بسبب صراحتي».

وتابعت: «وفي يوم قالى أنا مسافر مع العقيد كمال رفعت من الظباط الأحرار علشان رايح مع الفدائيين، طبعا اتجننت وحبيته اكتر، وكنت بستني جواباته، ولما رجع اعترفلي انه معجب بيا، وقالى ممكن الإعجاب يتطور لحب، ماردتش عليه».
وأضافت: «ومن هنا بدأت الحكاية مع عيلتي لأن أبويا صعيدي وأمي فلاحة وأنا حبيته وهو دا اللى انا عيزاه ومفكرتش في قصة اختلاف الدين، وقابلت مشاكل كتير وتهديدات من أهلى علشان هو مسلم، وقولتلهم سبوني أحاول انساه، وجبولي عريس، وعلى كان قايلي لو جبولك عريس قولى طيب وبعدين نهرب».

واستكملت قصة حبها وقالت: «قعدت مع أبويا وقولتله ليه عايزني ابقا خاينة ليه أتجوز واحد مش بحبه ورفض، بعدها مشيت على المنصورة مع علي الشوباشي واتنين صحابنا محامين عملولنا عقد زواج مدني لاني كمان كنت قاصر 19 سنة، وبعد الجواز أهلي خطفوني علشان أسيبه».
ووجهت نصيحة للشباب بالإنتاج وترك الأفكار البالية وانتج لبلدك ونفسك.
 

واختتمت حديثها قائلة: «على الشوباشي حبيب العمر ولحد الآن لبسه دبلته، وباخد رأيه في كل حاجة قبل ما أعملها كأنه عايش».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا
الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.